副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

[第二胎生產記]在疫情下。我用了五分鐘便生了二寶出來⋯⋯

有人話,第二胎好快就生到架! 試過之後,我發現原來有啲話第二胎去唔切醫院就生左,完全唔係話無可能發生既事!

有人話,第二胎好快就生到架! 試過之後,我發現原來有啲話第二胎去唔切醫院就生左,完全唔係話無可能發生既事! 話說兩個多月前。我仲陀緊第36週。私家醫生話我胎較大,已經係38週既Size, 叫我同政府醫院果邊講可唔可以催生。嘜政府生都可以自己選日子催生既咩?!原來真有其事!政府醫院果邊都評估過報告後,怕我40週會生唔出太大舊,會有危險。所以在37週時果次產檢,佢要我選埋日子入院催生。 講真心情真係十五十六,自己個心好想呀仔自然來到呢個世界,二來俾產一胎既催生經歷留了一大道陰影⋯⋯ 但如果唔催生,又怕小朋友有風險。最後我選了可催生既期既最盡果日- 22.01.21 進行催生。 就係剩底呢一星期,我每日都在倒數到22號。好似有一個期限咁,知道自己幾時上路去行刑(對產婦黎講絕對係行刑)。 就喺20.01.21 既凌晨我去廁所。我發現自己底底濕左一大撻。我仲喺到諗點解自己賴左尿都唔知????但老公話安全起見,不如去醫院check check .拖下拖下,我到訓醒既中午12點就準備去醫院睇睇。 產科護士同我做了一個試紙既test, 原來我流出來的,正正是羊水! 我問點解穿羊水唔係應該好似我上一胎咁,咋一聲爆炸咁湧出來既咩?原來今次係羊胎穿左個小洞,所以羊水好似滲下滲下,如果大緊肚既你,發現有呢個情況,千其唔好學我咁拖,因為我都俾助產士話左兩句,如果穿左水24小時都唔生,孕婦在生仔時係需要打抗生素去確保媽媽同小朋友係安全唔會受感染的。 之後我就入住左產前病房,暫時都係無任何動靜。一直訓覺休息⋯⋯ 下午6點,我落床去門口拎老公補給俾我既日用品。落床果下,我流左好多羊水!再去廁所,發現見紅了!但都無任何痛楚,我拿拿聲食飯!(因為上胎既空肚生仔經歷,我餓到無力!) 10點幾,開始感到痛楚,但忍受到的痛,心諗:應該就生了⋯⋯ 但老公因為從事救援工作,今晚要通宵開工,又未拎到COVA-19報告,要明天先可陪產⋯⋯唔通我要無老公陪產????? 12點幾,開始痛到忍唔到,同姑娘講,佢地問左做咩唔早出聲喺到忍?! 佢地拿拿聲同我檢查,但原來只係開左一度⋯⋯ 再過半個鐘,真係好痛了!已經開到兩度。可以落產房,天呀,我今鋪真係要孤身作戰了!   入到產房,佢地同我換左個口罩,話聞笑氣果下要帶住,其他時間可除一下抖抖。我開始痛到個人濛糊,就係不斷痛痛痛,就係呢種可以話係折磨既痛楚,上一胎經歷左十幾個鐘既痛楚 ⋯⋯呢種刻骨銘心但又既然可以忘記左既痛楚⋯⋯一下子回憶返哂! 已經痛到唔知暈左定瞓著左,我痛到開始喊⋯求姑娘幫我打無痛分娩,但都係官方式回應:無呀,麻醉師做緊手術,無人呀 又過左唔知幾時,但原來只係一個鐘,呢種無間斷,無哂時間基礎,加上狂聞笑氣好暈,有幻覺,我以為自己落左地獄受緊刑???? ⋯⋯⋯⋯我背乘數表去分化自己 ⋯⋯⋯⋯係⋯⋯我竟然背乘數表 ⋯⋯⋯⋯⋯ ???????????????????????????? 兩個零鐘,助產士檢查,已開到9度,我問可唔可以俾我試吓生,佢地話好呀你試下!真係等待陣痛果下一黎!我大力推!我推我推!「滑嘟嘟,pet一聲」(我唔知點形容果下果個聲,我將仔仔帶到黎呢個世界,過程真係只用了5分鐘,   計埋陣痛,由一度到生到,都只係兩個零鐘,比起第一胎差不多十二個鐘,今次真係快過火車 生完果下我係咁喊係咁喊⋯⋯助產士問我係咪好唔舒服?我喊住話:唔係呀⋯⋯我好掛住我老公 但宜家諗起,又唔係真係好掛住個死佬啫?其實自己生都唔係真係太差啫?大概果一下爆喊可能係創傷後遺症?我都唔知自己喊嘜又或者我都唔知自己喊緊,魂魄未齊???? 今次仔仔8.4磅。。竟然無剪會陰,下陰只係有少少自然撕裂,生完之後果半個鐘,係攞命的,因為推返個胎盤出黎其實都好痛! 最後我推返去產後病房。。我躺喺床到。回憶下頭先發生左咩事?好似發左場夢? 果下好平靜,世界好平靜,我很攰,但睡不著,看住天光⋯⋯我感覺到:嗯,人生另一個階段既開始!   希望大家喜歡我既分享 都可以去我既fb page 俾個like,入面會不定期分享一些幼兒食譜,親子玩樂好推介???? https://www.facebook.com/三頭六臂YoMaMa我的育兒手記-104950357899223/ 同埋可以去埋我地個ig page, 分享左日常生活點滴???? https://instagram.com/jayleyden.c?igshid=l2uc6ecs37xk