小朋友能夠擁有自行閱讀能力係非常重要，咁先可以隨心去揀選自己想睇嘅書，享受開卷之樂，之後就會越睇越多書。點先可以培養到小朋友擁有自行閱讀嘅能力呢? 就由英文書方面分享一下 喺我身邊嘅小朋友無一個係唔鍾意睇Oxford Reading Tree，所以培養睇英文書可以由Oxford Reading Tree入手。Oxford Reading Tree圖畫精美，內容講述Kipper 一家平日發生嘅生活趣事，小朋友睇落好有共鳴。 除咗家傳戶曉嘅Oxford Reading Tree，今日都同大家介紹一套非常經典嘅英文書”Peter and Jane”，已全球發行超過1億本。對於我嚟講，呢套唔單止喺一套故事書，更加喺一套功能書，如果小朋友能夠完整閱讀整套12個level （36本），基本上已經有自行閱讀一般初小英文書嘅能力。揚揚媽媽覺得當小朋友伴讀到Oxford Reading Tree level 4，可以叫小朋友自己閱讀Peter and Jane 嘅書。Peter and Jane由淺入深，level 1-3根本上有基礎英文程度已可自行閱讀，增加小朋友自行閱讀嘅成功感。每一本Peter and Jane 最後一頁都會清楚列出睇完呢本書會學到嘅英文生字，以9a為例，睇完之後小朋友會學到111個new words，而每個新字大概喺書內重複9次，非常有系統。至於內容方面佢嘅插畫係採用經典嘅美國插畫風格，雖然我唔太識欣賞，但係對於小朋友來講都幾新鮮。由Level 9開始喺講冒險故事，都幾精彩刺激，揚揚姐弟都追住睇。 喺我個人經驗，睇Oxford Reading 同時策略性地配合Peter and Jane 一齊睇，絕對係可以穩固英文基礎。當然過程中，父母要一齊閱讀先至有效果。以我哋為例，每日讀至少2頁Peter and Jane，其實大半年已可完成整套書，依家揚細佬已有能力自行閲讀初小英文故事書。 利申我都係取經至唔少媽媽朋友，大家睇書方面有乜嘢心得？一齊分享交流吓～ 下次再分享其他讀書心得   想知更多親子去玩去食/ 有關虎爸虎媽資訊，請讚好我嘅 Facebook 專頁: https://www.facebook.com/yeungyeungmama/ IG: http://instagram.com/yeung.mama