疫情影響下，各行各業都大受影響！就連小朋友嘅玩樂都扼殺埋！最近，終於回歸正常，大家都可以盡情去玩啦！yeah  Kidskiss 而家搬咗去港島區嘅北角和富中心地庫（由地鐵站A1 出口步行約6-8分鐘）。 ▲見到呢個位置再向直行到尾就會見到KidsKiss  玩樂區：新場地比以前更大，玩樂設施更多元化。除咗同以前一樣有超大型攀爬區、超像真超市、玩車區同ＢＢ區外。而家仲多咗有：露營及田野區、變妝區、D mind & the prince閱讀區同AR 區等。 當然最特別係個攀爬架，比以前更大更刺激同更富挑戰性。上下兩層嘅攀爬架，繞著攀爬網、滑梯、障礙道同小型波波池等設施，而最刺激一定係位於頂層嘅兩條金屬長滑梯，速度感極佳，而且當有人滑落時，滑梯仲有閃燈效果添。 ▲童年回憶嘅金屬滑梯 ▲不同長度嘅金屬長滑梯 ▲繩網陣     ▲有個小型波波池     ▲弟弟都有滑梯啱玩   超像真超市比以前更大更專業，見到貨品當中，連杯麵、熊仔餅同益力多都有。陪媽咪去街市／超市入開貨嘅Alfred 話都好似呀～           ▲仲有埋Frozen 貨，足見細心   ▲杯麵、熊仔餅   ▲益力多   ▲收銀機入面有埋錢呀       玩車區：而家多咗唔同嘅車，而且賽道更富挑戰，中途仲有模擬加油站同維修站，弟弟玩到唔捨得走呀。                 ＢＢ區：比以前更大更寬敞，仲設有小型波波池同小滑梯，更有小量玩具比ＢＢ探索。           露營及田野區：近年勁hit嘅Camping 都有，入面有唔同款嘅帳篷，仲有bbq用具同食物，更可以去田野區自給自足去Camping。     ▲連壽司便當都有 XD         變妝區：呢個新嘅變妝區真係不得了，除咗有超專業化妝間同唔同服飾之外，仲有更衣室（真係好似時裝店一樣咁呀！）。換完衫，仲可以去舞台或紙盒入面影相。超正！       ▲更衣室入面   ▲瘋狂換衫     ▲舞台   ▲仲可以拎道具影相   ▲紙盒入面影相     D mind & the prince閱讀區：除咗動嘅活動之外，亦有靜嘅。呢區有好多D mind & the prince嘅書。如果有興趣了解多啲D mind & the prince嘅家長，都可以去呢度睇下。     AR 區同其他小遊戲區：估唔到呢度連ＡＲ都有得玩，大人小朋友都好啱玩呀！除咗AR外，仲有其他小遊戲區，玩樂設施超多元化。                 用餐區：而家用餐區係同玩樂區分開，雖然係分開，但部份用餐區係可以睇到玩樂區嘅情況，而且個人覺得用餐區比之前更大，座位與座位之間距離比之前更闊。另外，叫餐方面，仲可以用QR code落單，方便快捷！ ▲玩樂區設有儲物櫃，更比以前寬敞   ▲進入玩樂區的閘門   ▲因為玩樂區同用餐區係分開，所以記得戴好手帶，方便職員識別   ▲用餐區             食物方面，個人覺得水準依舊，希望可以繼續保持落去！等小朋友玩得開心，家長都食得開心～                 至於育嬰室呢度更有兩間，一間喺玩樂區而另一間則喺餐廳。           至於收費及入埸時間，大家可以睇以下兩張相作參巧。     最後，咁好玩嘅地方，當然最好做埋會員啦！而家比$88 就可以成為會員，成為會員之後小朋友仲可以去夾糖區夾糖食同會員優惠添！     =======================================   KidsKiss 親子主題餐廳 地址：北角和富道21-53 號和富中心地庫B01b 舖 預約網址：https://app.optitable.com/en/reservation/?rid=291   溫馨提示： - 疫情緩和都唔可以鬆懈，記得勤手洗/搓手，勿摸眼、口、鼻。 ======================================= （以上資料更新至撰文當日） 聯絡電郵： alfredbb325@gmail.com 最近開始玩IG，歡迎追縱：allaboutalfred 最近開始玩MeWe，歡迎追縱： https://mewe.com/p/AllAboutAlfred/   追踪更多育兒生活分享，請按 Alfred 成長日記