肥一 1歲了，由一加固開始就唔鍾意食菜，媽媽我真係要盡各樣辦法。 整條菜比佢係完全唔肯放入口，所以最有效既方法就係偷偷地撈落d食物度。 雪櫃有半舊番薯、兩條菜芯、一舊魚柳、一細舊芝士，咁就整個菜芯芝士魚肉薯餅啦～～～阿囡一口氣食左3個呀！   做法： 1）菜心、急凍魚柳、番薯蒸熟 2）全部材料blend碎/蓉，芝士切粒，撈埋，再加麵粉（約兩湯匙）。 3）搓成一個個餅形，放入已預熱既焗爐，160度焗10分鐘， 再反轉焗五分鐘，就食得啦。 好多媽媽問，blw既bb出街可以整咩比佢食呢？ 要方便易帶，又唔會食到周圍都係，蔬菜餅係一個唔錯既選擇。菜、肉、魚、薯仔，屋企雪櫃都會常見，撈一撈、焗一焗/煎一煎就完成。