BB申請特區護照及身份證懶人包 朋友問起點去申請BB護照，我自己以郵寄方式，整個過程非常快捷方便，所以決定分享自己既懶人包。   1️⃣STEP 1 準備證件相，想質素有保證、唔想煩，當然係出去影證件相，價錢大約$48/6張左右。 但作為慳錢媽媽，就選擇自己DIY證件相。坊間有D 證件相DIY程式，因版權問題大家可自行GOOGLE。 我將6張相放到4R相片做沖灑 (正常可放8張)，揀選 快圖美 Fotomax ，網上印相最低消費$12，沖灑8張4R相，埋單$12.8/48張。D相多到可以用黎申請N間N班，當然唔一定要揀晒全部證件相，可以曬其他生活照。 如果家中有相片打印機，可以自己沖曬，更方便! 相片要求: 背景要白色 (我係屋企既白色牆影，最緊要開燈影)； 相片尺寸必須為40毫米(闊)乘50亳米(高)，相片中人士由下顎至頭頂的尺寸應為32毫米至36毫米，頭頂上須保留適當空位。 參考網頁:  https://www.immd.gov.hk/hkt/residents/immigration/traveldoc/photorequirements.html   2️⃣STEP 2 準備以下文件，提交到入境處 (適用於出生42天後的bb) : 1) ID842 表格(16歲以下兒童護照申請書)  https://www.immd.gov.hk/pdforms/ID842n.pdf 2) ROP3 表格(11歲以下人仕身份證申請書) https://www.immd.gov.hk/pdforms/ROP3.pdf 3) ID641 表格(副署事項表格，即父母以外、年滿18歲的第三方見證人士表格)及其身份證副本 https://www.immd.gov.hk/pdforms/ID641n.pdf 4) BB證件相3張 (其中1張貼在 3) ID641表格給副署人在相片與表格上跨越簽署, 另外2張交入境處, 1張護照用、1張身份證用) 5) BB出世紙副本 6) BB家長ID副本 7) 護照申請費用支票: $185(32頁護照價錢), $230(48頁護照價錢)  8）回郵信封 申請人可以將申請郵寄至： 香港灣仔告士打道七號 入境事務大樓四樓 入境事務處 旅行證件及國籍（申請）組 註 : 網上申請只適用於11歲以上 參考網頁:  https://www.immd.gov.hk/hkt/service/travel_document/apply_for_hksar_passport.html#secondTab   3️⃣STEP 3 大約2星期後，收到入境處寄來既領證通知書，可於網上預約領證日期及時間 參考網頁:  https://www.gov.hk/tc/residents/immigration/traveldoc/hksarpassport/bookingcollect.htm 領證當日，父/母帶同BB一齊去領證，出示返父/母身分證及BB出世紙就OK啦。我揀係沙田入境處，由拎籌到領證，5分鐘搞掂，唔駛BB等咁耐，非常方便! 之後就係帶BB去旅行囉!