都有一段時間冇寫文章，原因係每日都好忙好累！因為每日都湊住兩個小魔怪，令我身心俱疲，不過係幸福嘅！ 今日同妹妹去左Hello Kitty健康中心join疫苗計劃，最初係想同芝麻一樣join Kinetics，但最後比我揾到呢間平啲，打嘅針係一樣，而且以前喺BB展好似有見過佢地擺booth，應該唔會呃人嘅，所以就決定join佢。 成間中心全部都係Hello Kitty，裝修係幾靚幾舒服都幾可愛嘅，幫妹妹打針嘅姑娘態度好好，對小朋友好有耐性。今日妹妹係打HIB同食口服輪狀，妹妹都好合作冇扭計。我地約左10點半，呢個時間冇乜人，之後陸陸續續就逼滿成間中心喇！   退燒藥個樽係Hello Kitty 針口塊膠布都係Hello Kitty