27/4 星期六我哋參與咗今年度 籌得嘅善款是為有特殊學習需要(自閉症、過度活躍症、專主力不足等)嘅孩子提供專業評估及治療,亦為有關家庭提供支援服務。 我哋嘅服務時間係下午1:30-2:30時段,準時去到指定地點後,已經見到有支印有曲奇盒公仔嘅旗喺度,同埋有張枱仔放滿準備義賣嘅曲奇,亦有幾位著住藍色背心而後面印有「民安隊義工團」字眼嘅叔叔姨姨喺到打點緊物資。 我哋埋到去,叔叔先同聯絡人(媽媽)點齊出席人數。 點好名後,每個小朋友都收到一條藍色印有今次活動主題嘅圍裙。整理好圍裙後,叔叔耐心解釋賣曲奇嘅流程、包裝、價錢、味道等資料俾小朋友聽。開頭見咁多味道款式要記,都擔心佢地唔記得,點知又OK喎! 好!每個小朋友每人一個膠袋仔,拎住五個口味嘅曲奇正式開工! 成功有善心人士購買後,我哋會將善款放入枱上嘅籌款箱內,善款不設找續。 經過我哋一家五口努力叫喊,同不斷友善地請途人購買下,1小時好快過去。 我哋表現中規中矩,賣咗廿盒左右吧! 喺度多謝當日購買曲奇嘅善心人士。 其實參加今次活動,主要原因係深感隨住社會不斷進步,但係仍有不少人未認識到特殊學習需要兒童嘅真正需求,期望透過各類活動給予嘅支援可以慢慢增加,今次能夠為救世軍籌款感覺非常有意義,盡力幫助有需要嘅小朋友同家庭。(媽媽未生小朋友嘅時候已經修畢HKUspace嘅特殊教育文憑,所以對特殊教育需要兒童嘅認識亦有點了解,更透過課程中接觸家長嘅分享,深深感受到家人身心靈嘅需要! 據知,今年「錫錫爸媽曲奇義賣」活動更會橫跨5月母親節及6月父親節。而曲奇盒更由香港插畫家「癲噹」設計非常可愛。 我哋4月中時喺網上登記,組成親子義工隊參加今次嘅義賣活動,而每位參加嘅小義工更可獲得非常可愛嘅嘉許證書以示鼓勵添! 如果可以的話,請大家亦出一分力,為改善特殊學習需要孩子嘅未來而打氣! 活動詳情: 籌款目的:支援照顧特殊教育需要孩子的家庭 義賣日期及地點︰ 4月27-28日、5月4-5日、5月11日、6月1-2日、6月8-9日、6月15日(六/日) 地點︰沙田大圍、第一城、荃灣、元朗、銅鑼灣、大埔、尖沙咀、將軍澳、屯門、柴灣、黃大仙 登記時,可以選擇不同地點、日子、時段,睇下邊日適合參加。 如果有興趣,可以按以下連結了解及登記。 https://www.anpasia.com/newsletterweb/4945504B7644455D40774743/42475B47704947514570494A5043 #救世軍#錫錫爸媽曲奇義賣