唔知大家用緊點樣嘅乾衣方法呢？！ 一到春天天氣潮濕，最近每次洗完衫， 啲衫晾極都唔乾，令我好困擾， 因為我哋嘅洗衣機安置喺天台， 所以洗完衫就索性喺天台晾堆衫， 但唔好以為我啲衫晾喺天台有風吹會好快乾， 相反，因為天台做了個簷蓬擋風雨， 陽光曬唔到，冬天啲衫會易啲乾嘅， 但最近啲衫晾咗一日一夜都未必會乾透， 而且好易有噏味~     搞到我索性將洗完嘅衫搬返入室內， 用抽濕機抽乾半日，除咗要行上行落， 啲衫又好阻礙室內嘅活動空間， 加上傳統抽濕機耗電大， 開著後又唔放心離開間屋， 所以呢個乾衣方法一啲都唔討好。   其實我發覺香港有好多家庭都遇上乾衣問題， 除咗天氣潮濕啲衫難乾之外， 同時又要面對唔知啲衫可以晾喺邊到呢個問題 我認識嘅朋友當中有些更會將洗完嘅衫晾入廁所待乾， 其實呢個乾衣方法更加差， 因為會易滋生細菌，又有噏味， 要拎啲衫再洗過。   我亦記得喺舊屋時因為露台好細， 啲衫根本唔夠位晾，又怕晾出窗外會污糟， 所以每次都係塞哂入書房開抽濕機就算， 因為洗衫次數都幾密， 書房慢慢就長期變咗晾衣房了， 所以一直都羨慕屋企有乾衣機嘅朋友， 以前未嫁嘅時候雖然有幫手晾衫， 但從來都無諗過屋企要有部乾衣機嘅， 直至做咗媽媽之後， 對生活鎖事開始有要求， 尤其是對囡囡健康有影響嘅事， 所以一直都有意想買部乾衣機。   前排更睇到個台灣節目介紹乾衣方法， 用乾衣機省時又省力， 免去鎖碎嘅晾衫步驟， 又唔使擔心收衫時衣服未乾又要搞一大輪， 慳返好多時間。 所以如果喺屋企設置乾衣機真係個唔錯嘅選擇。   喺香港啲討論區見到較多人推介嘅款式， 多數都係TGC煤氣乾衣機， 我哋最近都有去towngas睇過， 職員推介呢部煤氣乾衣機RJD650， 乾衣期間所產生嘅高溫最高可達80°C， 能有效清除衣物上常見嘅家居細菌， 同埋最常引起過敏嘅塵蟎！       另外，部機特設速乾功能， 能於20分鐘快速烘乾1公斤衣物， 唔洗再慢慢等，可以即洗即乾， 唔洗再著噏味或濕氣重嘅衫， 啲衫亦特別柔軟。   部機仲有一個暖衣功能， 10分鐘就可以將衣物去濕整到暖笠笠， 天氣清涼嘅時候，啲衫唔洗再凍冰冰， 整暖先著，一定好舒服； 部機嘅容量又可以達到乾衣6.5公斤咁多， 家庭成員多，又或冬天洗厚衫時， 都可以一次大量乾衣， 有小朋友嘅家庭就更加值得入手。       煤氣乾衣機其中一個型號印有可愛嘅Kitty圖樣， 我同阿囡都好鍾意， 而且游說緊爸爸入手呢部TGC Hello Kitty煤氣乾衣機， 之後就可一改過往唔恰當嘅乾衣方法喇。       ************************** ~ 許許與小BELLA ~ FB專頁: www.facebook.com/huihuiplayground 聯絡我們: jassmine_tea@yahoo.com.hk   IG:  https://www.instagram.com/huihui_bella/ ~ BLOG足跡  ~ BlogSpot   PINEXT   OpenRice  ESD LIFE  TheZtyle  She.Com BeautyExchange   OH!爸媽!  MyBB.Com  香港媽咪幫  UBABY   親子日常  EASY PAMA  Parent's Daily  媽媽經   Sunday Kiss