【Little Habs】   地址：新界將軍澳唐俊街21號翩滙坊地下11號舖 電話：2363 5955 營業時間：星期二至六：8：30 - 17：15 香港全港九新界名校幼稚園【學之園】的附屬PLAYGROUP - 【Little Habs】 (全程英語授課)    【熱身】 今日又係媽媽需要返工既日子 所以超級趕時間 去既途中仲要開始落起雨 唔通連個天都唔鍾意我 (展演年齡既廣告詞 好彩岩岩好趕到去 仲唱緊歌仔歡迎小朋友們入去  入到去陽豬當然已經完全唔驚 自己拎玩具玩 當然仲係要坐返係媽咪身邊 執玩具都難唔到佢 大家幫手執哂入個大玩具箱到     【唱遊時間】 唱【Hello Song】既時候  今次我地陽陽豬又進步左 俾媽媽推patpat企左起身 一路唱一路跳 唔跟住音樂搖來搖去 識得 【Clap】【Clap】【Clap】 但未識【Stomp】【Stomp】【Stomp】   【點名】 又到點名時間 小肥陽又係第三個 俾媽咪一推patpat就走出去 輕易地掛起左自己既名牌 又認到老師叫佢個名 又識自己出去掛名牌 叻叻豬 100分   【動手感知】 今日老師用端午節做主題 同小朋友介紹【Happy Tuen Ng Festival】 媽咪我覺得用【Happy Dragon Boat Festival】唔係更加好咩 因為之後又會介紹埋【Dragon Boat】  又易記啲 老師準備左一枱有關端午節既物品同小朋友講解 同埋準備左幾張大圖片俾小朋友睇 一路講故事一路講解下端午節會有啲咩 小肥陽一路好唔專心 因為老師個一枱要介紹既物品 真係超級吸引住陽豬   有一籃仿真既【Rice dumpling】   老師俾同學仔一個傳俾另一個 等每個小朋友都觸摸下 用手感受下用眼睇下係咩形狀顏色   有一個【Drum】老師敲 俾小朋友跟住老師敲出黎既【Tempo】 派俾佢地每人一個【Drum】 跟住老師敲，老師講【fast】 就有咁快敲咁快 老師講【slow】就慢慢一下一下敲 小肥陽就完全想自由發揮 完全不受控制 想敲咩就敲咩   攪到老師忍唔住笑佢   仲有一隻手工整既【Dragon Boat】俾小朋友睇 介紹下咩係龍舟競賽 同埋佢地用緊既係【paddle】用黎【row】  【row】【row】【row】your boat  老師派一人一支蚊拍頂住先   當係船槳，組成左兩隊龍舟隊  一齊跟住老師既節奏【row】 老師都太投入 敲到飛左鼓棒出去   【MESSY TIME】 今日MESSY TIME 好有意思 係教小朋友包粽 當然唔係真係食得個種 首先派俾大家既有【rice】 係凍既飯，俾小朋友一齊用手機摸下【sticky】既感覺 之後再加埋 【green bean】拎個匙羮攪攪佢 拎一塊【bamboo leaf】整成一個兜形 再【scoop】【mix】好既材料放入去 識整既媽媽們都包得好靚 至於陽媽我就咪提啦       【課室外活動】 室外有個整好左既端午節背景 俾每個小朋友節日打卡 太有節日FEEL啦 雖然無去睇真正既賽龍舟 但有得俾小朋友玩下了解下都好開心   【落堂】 返到課室後唱【Goodbye Song】 再加泡泡時間，小肥陽最愛時刻 走之前學校仲俾左每人一小包禮物 俾小朋友屋企做手工 整龍舟貼貼紙美化 仲可以畫埋家人個樣上去一齊爬龍舟       如有任何問題，可以留言或者找我喲! ٩(๑Ő∀Ő)۶  歡迎邀約任何試用或出席活動 Email：ttotiffany@gmail.com ig: ttotiffany &babyipip fb: facebook.com/ttotiffany