雖然我都係一名全職傻媽，但內心深處都係好貪靚，所以當收到SHE.COM邀請試用L'Oreal Paris最新推出嘅Cushion彩妝系列時，我真係超級興奮，因為可以向靚媽之路又行前一大步啦~ L'Oreal Paris其實係去年7月就已經推出Cushion粉底，一直備受好評，單是亞洲銷量已突破100萬，真係好利害呀！除左Cushion粉底之外，L'Oreal Paris仲推出左Cushion胭脂同埋唇彩，實行將今個春日彩妝Cushion化呀！ L'Oreal Paris光透水潤氣墊粉底~ 光透水潤氣墊霜集水潤、光透及無瑕於一身，締造光感空氣祼妝。而且同時具SPF29 PA+++防曬功能，為一個靚妝容做好第一個把關呀~ 我今次試用嘅係N3亮肌色(哈哈哈…都幾啱我呀)，可以為自然膚肌帶出自然亮澤及提亮膚色嘅效果~ 質感都比較輕盈透薄，而且感覺都好清爽，仲帶有一份水潤感~ 上妝都好容易，只要輕力印好快完成妝容，佢嘅質地都好貼薄，膚色自然得嚟又帶點光澤，最好就係完全冇浮粉情況出現，整個底妝都可以維持一段長時間呀~ L'Oreal Paris限量花瓣霧感 Cushion唇筆~ 依個新推出嘅Cushion氣墊唇筆係香港市場唯一嘅 Cushion唇筆，而係韓國及台灣推出時都已經大賣，仲經常斷市添！ Cushion氣墊唇筆以獨特柔軟彈性筆頭，配以創新不易脫色的啞緻質感，輕輕一按就容易打造今年大熱嘅花瓣唇妝啦~ 除左單獨使用之外，更可以用兩種色調一同塑造Two-Tone雙色唇妝呀~ 使用Cushion唇筆前先用潤唇產品打底，之後塗滿雙唇內側，輕輕用手推開唇色至雙唇外側。除左唇妝靚之外，最好就係持久不脫色，基本上過左大半日都唔洗補唇妝，真係啱晒大頭蝦嘅我呀~ LUCENT MAGIQUE光感輕盈胭脂Cushion~ 同樣係香港市面上首個以Cushion氣墊推出嘅胭脂~ 我今次試用嘅係P2粉紅色，可以為膚色淡淡健康紅潤光澤~ Cushion胭脂質較為水凝，所以推開時都好容易，而且好貼服，色澤仲好透薄呀~ 其實我都幾怕用胭脂，因為一不小心就會變成猴子PAT PAT，咁就真係……….。不過Cushion胭脂又真係幾易用，先用粉樸印一下胭脂，然係用盒內蓋掩印走多餘份量，再輕力印上面，之後再用手指推開就得啦~ 哈哈哈…等我唔知醜同大家分享我依兩日嘅扮靚成果先，其實……都唔差呀，小小豬都有讚我靚呀~ 我化妝真係唔叻，完全可以用個"笨"字嚟形容，所以我都真係幾怕買化妝品，因為買左唔識用就好似好浪費，所以我揀嘅都一定要以易用同埋方使為大前題。 經過今次試用，感覺到L'Oreal Paris依一系列Cushion彩妝，都真係好容易HANDLE，簡單幾個步驟就可以靚靚出街，原來扮靚都唔難。 雖則我都知道我嘅化妝技巧仍有好大…好大…好大嘅進步空間，不過我相信我KEEP住用，日子有功就一定有進步。化妝唔止為取悅別人，平日扮靚啲..有自信啲，全職傻媽都要有又靚又有自信嘛！     More information : Website：www.loreal-paris.com.hk Facebook：https://www.facebook.com/lorealparishongkong     **我地嘅FACEBOOK FAGE，唔知大家LIKE左未呢？** 小小豬的成長日誌 大家一齊嚟交流下煮飯仔及去玩嘅親子樂啦