副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

【清熱兼消脂】紫背天葵茶

27 APRIL 2016(WED)記得曾經同朋友打邊爐飲過紫背天葵,酸酸地又幾好飲。不過之後一直都搵唔到邊度有得買,所以想飲都冇辨汰了。終於係上次同小小豬去遊大澳時,買到紫背天葵材料,可以煲嚟飲啦~

27 APRIL 2016(WED) 記得曾經同朋友打邊爐飲過紫背天葵,酸酸地又幾好飲。不過之後一直都搵唔到邊度有得買,所以想飲都冇辨汰了。終於係上次同小小豬去遊大澳時,買到紫背天葵材料,可以煲嚟飲啦~ 其實買左包紫背天葵都有個幾月,不過當時都唔係好熱,所以都好似未啱時候煲嚟飲。依幾日都真係開始熱熱地,所以就可以拎出嚟煲,可以清熱、消暑兼消脂啦! 紫背天葵係大澳嘅特產,所以行過每間小店都一定可以買到現成一支支嘅飲品或者材料。我就緊係買幾包材料返屋企,咁就可以慢慢飲啦~ 一包份量都足夠一次(約四至五杯),入面除左紫背天葵之外,仲有幾粒山渣,我地再加少少冰糖就煲到啦~ 紫背天葵其實係秋海棠科無莖草本植物,因嫩莖葉富含鈣、鐵等,營養價值較高,所以有清熱解毒及生津解渴功效。再配埋山楂一齊煲,就可以消脂消滯啦~ 將紫背天葵及山楂浸洗一陣~ 煲內放約十碗水~ 然後加入材料(冰糖除外)~ 待水滾起時,轉慢火加蓋煲15分鐘~ 然後加入冰糖再煲10分鐘~ 焗多5分鐘,之後開蓋隔渣,話咁快就飲得啦~ 酸酸甜甜,小小豬話有啲似利賓納。不過又真係唔錯,幾啱熱熱地嘅天氣飲,我個人覺得雪凍仲正,完全係解暑首選呀! 除左大澳之外,有朋友仔話曾經見過啲大間少少嘅藥材店都有得買,所以未去大澳上貨時,可以去藥材店搵搵呀!   溫馨提示:由於紫背天葵就比較性涼,所以怕寒涼嘅人就不宜多飲用,要留意自己體質呀!     **我地嘅FACEBOOK FAGE,唔知大家LIKE左未呢?** 小小豬的成長日誌 大家一齊嚟交流下煮飯仔及去玩嘅親子樂啦