副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

【星球大戰™:入侵明日世界】傳媒預告活動 **附小遊戲送《星

1 JUNE 2016(WED)謝謝香港迪士尼樂園邀請,今日參加左「星球大戰™:入侵明日世界」預告活動,我都覺得非常吸引,好想快啲可以玩亞洲獨有嘅《星球大戰》主題項目呀~其實當明日世界由飛

1 JUNE 2016(WED) 謝謝香港迪士尼樂園邀請,今日參加左「星球大戰™:入侵明日世界」預告活動,我都覺得非常吸引,好想快啲可以玩亞洲獨有嘅《星球大戰》主題項目呀~ 其實當明日世界由飛越太空山作特備活動進行準備工作而暫停時,相信好多迪士尼FANS(尤其係星戰迷)都一定好期待,好想知星球大戰版嘅明日世界會變成點。 今日有機會可以親身了解一連系列亞洲獨有嘅項目,內心真係何其興奮呢! 活動開始時就先由創意發展總監Mr. Kelly Willis為我地透露「星球大戰TM:入侵明日世界」的詳情~ 「星球大戰 : 指揮站」,我會形容為一個集郵勝地,因為Chewbacca及機械人R2-D2就會係這個「反抗軍」秘密基地同大家見面呀~ 「星戰極速穿梭」可以話係我最...最....最期待嘅一個環節呀~ 之前嘅飛越太空山我同小小豬都好鐘意玩(係呀...隻大膽豬真係冇有怕呀),今次依個以《星球大戰:原力覺醒》為主場景,最特別就係輪候位置內打造成為反抗軍嘅機庫,當中擺效左一架1:1嘅「X-wing戰機」仲有機師嘅飛行服及頭盔,真係可以話未出發先興奮呢~ 「絕地聖殿武士特訓」就係最啱小小豬玩 ~ 由6月25日起開始,一眾4至12歲嘅小朋友就可以化身成為「絶地小武士」接受絕地武士的訓練,攜手以原力撃退 Kylo Ren。唔知小小豬著上經典武士長袍,手拎星戰光劍會唔會好型仔...定係好傻仔呢...哈哈哈~ 我地仲可以係「星球大戰:星戰光劍DIY」專區入面,可以選擇超過20款配件嚟親手製屬於自己嘅光劍,只要付款之後就可以帶回家慢慢欣嘗珍藏~ 除左白兵之外,黑暗勢力嘅Phasma 隊長仲會係明日世界巡邏,有緣的話就可以同佢地集郵啦~ 今日我地仲可以一見Phasma隊長及白兵添,隊長真係好有型呀~ 為配合「星球大戰™:入侵明日世界」活動,樂園仲會係夏天推出以Kylo Ren 及R2-D2為主題門票呀~ 香港迪士尼樂園酒店及迪士尼好萊塢酒店都為星球大戰™作一系列主題房間佈置,當中包括《星球大戰》主題門貼裝飾、拖鞋、床旗佈置~ 今日除左傳媒之外,仲有60位星戰迷一齊參加,當中有兩位朋友為我地講解佢地同星戰嘅關係。認真講...佢地真係好利害,可以講得出各輯星戰嘅重點呀~ 活動最後就當然係拍照啦~ 60位星戰迷...好莊觀呀~ 活動過後就係參觀時間,為左今次主題,樂園推出超過230款《星球大戰》的主題商品,啱晒各位大小星戰迷啦~ 仲有一系列星戰美食~ 黑武士同白兵蛋糕,係咪好想食呢~ 有得集郵當然係最興奮,次次入園都唔見白兵,依家可以一次過滿足兩個願望啦~ 星球大戰™:入侵明日世界係6月11日就會推出,完全感受到迪士尼為左星球大戰™作出一連串嘅準備,真係好期待...我都好想快啲入侵明日世界呀! 睇完我嘅小分享,大家係咪好想齊齊去明日世界投入《星球大戰》嘅星戰現場呢?咁 就要留意啦....因為我會送出8個香港迪士尼樂園「星球大戰™:入侵明日世界」體驗活動俾我嘅朋友仔,等你地可以係6月24日7:00PM- 10:00PM親身入園感受「星球大戰™:入侵明日世界」,仲可以參加「絕地聖殿武士特訓」 (參加者年齡為 4-12 歲) ,等一班小武士接受絕地武士的訓練,攜手以原力撃退 Kylo Ren。 得獎者8位,每名得獎者可參加《星球大戰》體驗活動 [價值港幣 924 元],包括:香港迪士 尼樂園標準門票及小童門票各乙張; 6 月 24 日「絕地聖殿武士特訓」體驗名額乙個;餐 飲禮券兩張。 有興趣朋友快啲嚟我地個專頁 小小豬的成長日誌 參加啦!   More Information : Website:http://www.hongkongdisneyland.com/ Facebook:https://www.facebook.com/disneyland.hk   **我地嘅FACEBOOK PAGE,齊齊嚟交流親子、玩樂、烹飪啦**