副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

手打烏冬親子工作坊@一田 x BK Milk邀請

對於日本烏冬,大家又認識幾多呢?讚岐?稻庭?一田最近搞咗個夏麵祭,主打嘅係比較少人熟悉,但亦都係日本三大烏冬之一來自富士縣嘅冰見烏冬。感謝BK Milk邀請我哋參加手打烏冬親子工作坊,由日本手打烏冬大

對於日本烏冬,大家又認識幾多呢?讚岐?稻庭?一田最近搞咗個夏麵祭,主打嘅係比較少人熟悉,但亦都係日本三大烏冬之一來自富士縣嘅冰見烏冬。感謝BK Milk邀請我哋參加手打烏冬親子工作坊,由日本手打烏冬大師親自教授,而且師傅只留港兩天,實在係好難得嘅機會呀! 一田為夏麵祭設咗個特別counter,好隆重其視喎! 朗朗心情已經十分興奮喇! 工作坊即將開始,跟住嚟啦! 呢碟應該係上一個工作坊嘅製成品,好得喎!希望我哋都可以整得咁靚啦! 事不延遲,每個小朋友都有材料同工具喇! 我哋預備好喇!Gogogo~~~ 師傅教我哋首先要碌平個麵粉糰 小朋友們都好努力咁整呀!幹爸爹! 好榮幸能夠向日本手打烏冬大師取經呀! 虛心學習之後,手勢似乎純熟咗喎! 晴晴都在外邊為哥哥打氣呀!幹爸爹!幹爸爹!XDD 碌到咁上下,落少少扑粉,咁烏冬就會打得更加好㗎喇! 將啲粉掃均勻在整個麵糰上 跟住又繼續碌平佢啦!要再簿啲先夠呀!加油! 師傅在旁監督 見到小朋友有邊度做得未夠,仲會細心指導添! 麵糰同我哋整開麵包/曲奇果啲好唔同,彈力十足,想碌平佢而且要夠薄,的確係需要多啲力度同耐性㗎! 碌到咁上下,又再加多啲粉上面先~ 師傅過來幫幫手~ 睇嚟我哋塊麵糰好快達標喇! 將麵糰卷住木棒,繼續用力碌 個個小朋友都好落力喎! 師傅話我哋果塊差唔多ok喇!yeah~ 將麵糰摺成咁樣,就可以攞去切lu~ 好緊張呀! 切麵條機 師傅正在向小朋友講解用切麵條機要注意嘅事項,一隻手揸住把刀,另一隻手要放響部機以外位置,咁先至安全唔會切親㗎! 切切切切~ 已經切咗好多條麵出嚟喇!嘩!*o* 每切完一刀,部機就會移刀位,chop chop聲咁就變晒麵條喇!去片~~ yeah!!! 完成喇!勁有滿足感呀! 朗朗對切麵條好有興趣,切剩少少麵糰都唔放過,要繼續切埋佢~ XD 將啲麵條擺放靚靚先~ 製麵條初體驗,梗係要同製成品合照啦!^^V 今次工作坊,個個小朋友都好開心,係一次好難得嘅經驗嚟呀! 感謝師傅嘅悉心教導^^ 我哋今晚有冰見烏冬食喇!wow~ ho~~ 臨走被呢隻鰹魚汁湯底醬油吸引住,買埋番屋企先! 打開支蒜香油一聞,實在忍唔到手,蒜香味太香喇!一於要埋啦! 整冷烏冬好多時都係配芝麻醬,呢隻柚子芝麻醬嘅味道好正呀!仲有其他冷麵汁供選購添! 番到屋企馬上開爐,師傅教烏冬要煮約6-8分鐘 烏冬煮起就放入筲箕隔水 (呢個同之後嘅步驟就唔係師傅教,純粹個人喜歡做法^^) 然後倒落冰水,浸約3-4分鐘 啲麵條好涼快唷~ 浸完之後,就放番入筲箕隔水 呢個時候可以調製湯底喇!以1:10嘅份量將鰹魚汁開出,如果比較鍾意濃味啲嘅可以用1:8份量 我哋鍾意濃味,加入8倍食水之後,個湯底就完成喇! 將湯底倒入冷烏冬,製成! 食番自己製作嘅烏冬,係咪特別好味呢?哈哈! 丫...差啲唔記得落蒜香油,落埋就更加滋味啦!Oishi呢~~ 冰見烏冬被喻為第三大手工延展烏冬,手工延展即係拉長麵條過程中完全唔切斷,可以保持麵條嘅風味。麵嘅粗幼度都係唔同嘅,麵身唔一樣就係正宗嘅手延製法,食落真係好煙韌、彈牙呀!「一田夏麵祭」有500幾款日本麵食選擇,其中50幾款仲要係香港人最鍾意嘅日本烏冬添!買埋醬汁番屋企煮個冷烏冬冇難度啦!大家係咪都好想學下整烏冬呢?公眾係可以透過一田嘅facebook page玩遊戲而參加,不過今次招募完咗㗎喇!一田其實都會不定期有不同嘅活動招募公眾參加,咁大家就要留意住佢哋嘅消息喇! 一田夏麵祭「夏・麵・樂」 日期:2/8/2016 - 15/8/2016 地點:全線一田超市 網址:http://www.yata.hk/tch/promotion/noodlefair2016.aspx