副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

“我唔想返學呀!!!”

“我唔想返學呀!!!”星期四9月1號就係小朋友返學嘅日子啦, 小朋友準備好未呢?除咗買新校服, 文具, 做作業等等...家長有冇留意到小朋友每一次返學前都會唔開心又或者唔想返學

“我唔想返學呀!!!” 星期四9月1號就係小朋友返學嘅日子啦, 小朋友準備好未呢? 除咗買新校服, 文具, 做作業等等...家長有冇留意到小朋友每一次返學前都會唔開心又或者唔想返學呢? 作為成人或者父母又可以點幫佢哋呢? 我哋可以喺三個層面幫小朋友. 1. 鼓勵兒童 小朋友返學時無喊或者可以自行鬆開父母隻手走入班房,家長用鼓勵嘅方法去讚賞, 例如話"你好叻喎!" 又或者"你真係好勇敢!" 之後家長可以自行離去, 盡量唔好留喺學校太耐,令小朋友覺得你相信佢哋嘅能力。  當小朋友放學返到屋企, 見到佢時可以同佢講:"媽咪爸爸真係好開心你今日可以咁勇敢返學!"  2. 熟悉環境 當小朋友第一次返學或者升班 時, 學校就等於一個新地方。雖然環境一樣, 但係老師朋友全部都係新相識, 難免會有不安感覺。 如可以的話家長或者成人不妨喺假日帶小朋友到學校附近嘅環境參觀一下或者玩樂一番, 咁樣可以令小朋友返學嘅時候有多啲熟識嘅感覺。 或者可以定期參與學校嘅課外活動例如去旅行或者燒烤等等.... 此舉 可以令到小朋友明白其實老師都可以好好玩, 唔係淨係催佢哋交功課, 考試, 做作業等等。 3. 身心放鬆 返學時, 家長可以試下教小朋友做一啲動作去令自己身心放鬆, 例如深呼吸; 或者緊握拳頭再放鬆拳頭;  如可以嘅話, (除玩具之外), 幫小朋友準備一啲佢鍾意嘅物品, 例如手巾仔、鉛筆、 八達通套等等.....比佢哋帶返學校。此舉可以令到兒童增加安全感。 學校係社會嘅縮影。好好幫助小朋友裝備心理、情緒,會令佢哋盡快適應新環境。好好學習之餘,亦可以盡情享受屬於佢哋嘅青蔥歲月。