副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

兒童智能GPS定位手錶

經常收到拐帶兒童消息,無論係真定假,總會增添父母憂慮。最近,我哋試用咗一款GPS定位手錶,除咗可以時刻留意住小朋友位置外,仲有其他有趣功能。等我哋同大家分享一下啦! 有新手錶戴,勁開心!XD功能一:定

經常收到拐帶兒童消息,無論係真定假,總會增添父母憂慮。最近,我哋試用咗一款GPS定位手錶,除咗可以時刻留意住小朋友位置外,仲有其他有趣功能。等我哋同大家分享一下啦! 有新手錶戴,勁開心!XD 功能一:定位 用手機可以睇到小朋友所在位置,紅圈為實際位置,誤差不大,可以接受 功能二:SOS緊急警報 當小朋友遇有突發事件,長按SOS掣便隨即撥號至預設的電話號碼。媽媽我當然唔希望收到SOS電話啦!@.@ 功能三:對講 只需長按錄音掣,就可以send錄音留言畀媽媽喇!錄音進行中... 「媽咪,妳幾時番嚟呀?」 媽媽部手機好快就接收到小朋友嘅訊息,你亦可以錄番一段作回覆 小朋友收到立即開出嚟聽,好開心!^^ 功能四:健康 手錶裝有3D傳感器,小朋友行走或跑步時會智能計步 媽媽可透過手機app了解小朋友嘅運動情況 亦儲存咗小朋友嘅足跡資料 手錶顯示咗每天步數,以上圖為例,今天行咗302步。留意到有個心心嗎?下一part繼續講係咩嘢嚟! 功能五:愛心獎勵 媽媽每日可按小朋友乖唔乖而send幾多個心心畀佢,如果太激氣就一個都冇啦!XD 功能六:撥打電話 小朋友可以打電話畀媽媽,仲可以致電多個親友。媽媽只需透過手機app輸入親友嘅電話號碼落去手錶電話簿,就可以㗎喇!不過要有心理準備可能小朋友一得閒就會打畀你,到時就好唔得閒喇!XD 朗朗正享受同媽媽傾電話中^^ 功能七:尋找手錶 如果發現唔見咗隻手錶,手機app嘅找手錶功能就好有用喇!一按掣,手錶就會響起音樂1分鐘畀你去搵。如果響屋企就易搵啦!但如果遺失咗響街,咁就幫唔到你喇!@@''' 功能八:語音監護 手機app亦設有語音監護功能,晴朗嘅對話在不知不覺間已經傳送至媽媽手機喇! 功能九:除下手錶警報 每當小朋友除低咗手錶,媽媽都會收到除下手錶訊息 手機收到除下訊息,為確保小朋友安全,可以即時致電睇下有冇咩嘢特別事情 功能十:睡眠質素檢測 根據手錶翻轉嘅頻率和幅度,判斷小朋友嘅睡眠質量情況,可以透過手機app查詢相關數據 功能十一:接聽電話 媽媽打來,快啲聽電話啦! 小朋友知道媽媽打來係會勁開心㗎!^o^ 以上係我哋較常用嘅功能,仲有其他功能就留待大家去發掘喇!訂購手錶後,會極度期待貨到。就等我講多少少收貨後有咩嘢要注意啦! 淘番嚟嘅嘢當然係簡體字啦!~.~ 打開個盒,隻錶都算幾靚仔 跟機有說明書、叉電嘅usb線,同埋對我哋嚟講冇咩用嘅保養咭 智能手錶同電話一樣需要插sim咭,呢張係購自7-eleven嘅電話儲值咭 張咭有3個size,中間size就適合手錶使用喇! 將sim咭插入手錶嘅sim咭插口,然後開啟手錶 響手機裝埋手機app就用得㗎喇!係咪好簡單呢?^^ 一分錢一分貨,朋友訂購咗呢款,同時亦訂咗比較便宜嘅款式。相比之下,便宜貨嘅GPS定位差距好大,而且對話收音亦好差,接近聽唔到小朋友講咩嘅情況。呢款質量同功能都唔錯,我哋好滿意呀!大家有興趣嘅話,都可以去淘寶尋下寶啦! 晴朗天 - 食·玩·育·美·愛の親子平台 facebook專頁:https://www.facebook.com/happytrain123 blog:http://blog.xuite.net/chinglongtin/blog