近期大熱的TREE先生實在太難打預約電話, 加上我係在職媽媽, 同小周董WEEKEND先可以去玩, 要BOOK到就難上加難, 不過其實除左TREE先生, 九龍灣德寶商場內的MABALAND都係一個小朋友放電好地方, 而且價錢合理, 當然場地一定無樹先生咁大, 但我覺得麻雀雖小但五臟俱全, 加上其實佢都係年頭先開業, 好多設備同玩具都仲好新淨。 去MABALAND其實都好容易, 九龍灣MTR出大約行10分鐘左右就到, 渣車人士商場己經設有停車場, 一去到門口己經見到一大個波波池, 小朋友第1時間當然表演下滾波地啦! 哈~ 好HIGH心啊!!! 由滑梯滑下係小朋友同大人玩得最開心既地方。 一滑下即刻投入波波池的懷抱, 好開心呢!!! 全場都有軟墊絕對唔擔心小朋友會撞親, 但太多波波既關係, 我反而擔心一D細BB潛入左波波池入面, 被我唔小心踢到~ HAHAAA 除左波波池, MABALAND仲有障礙遊戲, 爬高爬底小朋友就最高興。 有2層的攀爬區....小朋友走過呢條橋好容易, 但我要跟尾實在好攰。 嘩~阿仔!!! 阿媽條腰斷啦!!!! 全場唯一一個千秋0係一個好神秘既地方....想玩就要自己努力搵搵啦!! ^^ 係囉~玩下射波波咪幾好囉!!!! ((阿媽終於可以坐係隔離抖抖 ^^'')) 呢條繩網橋小周董試左幾次都唔敢行到最尾~ 哈! 下次再挑戰, 如果有小BB去玩, 場內都有幾架THOMAS車比小小朋友仔慢慢行。 當我以為小周董在波波池同繩網區玩左2個鐘應該差不多無電既時候, 但佢一入到呢個超級吹氣彈床, 依然可以來回跑幾十次, 我就知原來小朋友D精力真係用不盡呢!! 場內仲有一D大型玩具比小朋友玩, 女仔就有煮飯仔, 男仔就玩火車啦!! 真係有幾張枱咁大架~ 好靚!! 仲有超級LEGO可以砌.....有小朋友砌到好高好高, 仲高過小周董成個人, 好厲害啊!!! 小周董都好鐘意砌超級LEGO, 靜靜玩足20分鐘, 我又可以抖抖, 太好~哈! 其實場地真係算乾淨, 連換片地方都好整齊清潔, 出入場地都要消毒同量體溫 星期一至四 全日任玩 $85 星期五 全日任玩 $115 星期六至日 全日任玩 $150 以上價錢係包左一個大人同一個小朋友，帶上呢條手帶就可以全日任玩，無限次出入，其實真係好抵，我2PM玩到5.PM出去食個DINNER， 6.30PM再玩到收工....玩足全日真係晒皮，大小朋友夜晚回家都宣佈無電10PM齊齊ZzZzzzz....... 另外見到呢度有包場服務，如果有生日會都可以考慮選擇係呢度攪呢。 http://www.mabaland.com ============= >>>看更多PLAY HOUSE分享 ============= >>>看更多親子好去處分享 =============   www.facebook.com/1437ritaandhim 歡迎邀稿或其他產品試用，電郵聯絡: ppqq1437@yahoo.com.hk  其他BLOG分享包括:  Instagram, Blogspot, Weshare, she.com, theZtyle, BeautyExchange, ELLE.com, Mamibuy駐站部落客, ClassesWePlay星級blogger, style-tips, QOOZA, U Blog, iTrial, Esdlife靚太club, Mybb.com, OpenRice