大埔海濱公園係我之前私影個陣成想去既一個地方，但係一直都冇機會去到， 估唔到今次第一次去係同個仔去旅行，今朝我地一早就出發番去呀仔間學校度， 一早起身就一拗出門口， 因為要十點鐘就要集合， 元朗走出去石狹尾真攞命 番到學校集合, 哥哥同班同學仔玩得幾開心! 我地搭學校安排既旅遊巴出發，搭咗差唔多成30-40分鐘先到， 沿途開始落雨，有少少擔心，但係都冇辦法早幾日睇天氣報已經知道呢一日係會落雨， 跟住例牌要先點點人數同影番張唔知幾時先有得拎番既大合照， 然後我地向住海旁一路行，行到去一個大草坪度，就先玩第一個遊戲，狐狸先生幾多點， 小朋友都玩得好開心，之後就玩［爸爸去那兒]好出名既紅蘿蔔蹲，當然佢哋用番自己的組名去分組玩，呢個遊戲係唔會玩得完既         跟住最後一個遊戲黃老師問大家想玩咩遊戲跟住呀仔就大聲嗌話玩［老師說］， 跟住黃老師就決定玩呢個遊戲，估唔到佢會夠大膽俾建議老師   休息時間突然見到地下幾靚影吓相，當時個地仲乾   跟住就係期待已久既食飯時間，估唔到大家都帶咗好多嘢食， 我哋都拎出我哋預備咗既煎鍋貼，大家都好捧場，一雙不漏同我清哂       之後就自由時間，個自由時間勁長成3個鐘，都唔知可以做咩，所以就同佢周圍行， 我帶佢去呢度個景點香港回歸紀念塔，我哋一路行上去，唔駛5分鐘就行到最高，望落去以為好高要行好耐     之漿就同佢去爬蟲館，呢度個爬蟲館當然比起屯門嗰個大啦，不過睇既嘢反而冇屯門個咁吸引     門口前已放了些甲蟲俾小朋友睇     跟本都未夠高睇   最後番去大草地同佢其他同學仔玩，我就休息吓影吓相咁   都下晝既時侯見到幾位大叔嚟咗㪟風箏，唔係一般既風箏，係一隻好大好大既風箏，係隻大老虎 同另一隻小鴨風箏影相，佢哋真係好pro㗎，都唔駛跑，隻風箏識得自己飛上天     Photo by CANON 5D Mark III, Len | EF 35mm f/1.4L USM   呀劍評分: 6分 呀劍評語: 地方好大，好舒服！絕對適合一家大細嚟野餐，如果覺得去迪欣湖好遠咁可以嚟呢度，不過真係要自己帶嘢嚟玩，踢吓波，吹bubble就必備啦，呢度有個小賣部，咩都冇都仲可以係度買，但係就梗係貴啦，總之大家就腳，有車或者冇得揀先好嚟啦   大埔海濱公園簡介 大埔海濱公園的最大特色為整座公園仿如座落在一座山丘上，以中央部份為最高點，向四周伸展。遊人可以從此處瞭覽大埔海濱公園之全景。分為海濱花園及海濱公園兩部份   地址 位於香港新界大埔區大埔大發街，鄰近大埔工業邨、富善邨及廣福邨，與位於南面的元洲仔公園對望，被林村河河口分隔。   交通 可乘坐九巴72A 、 73 、 73X 、 75X 、 271、 275R、 275S、 275、 74K、 75K、 71K、 71S 線巴士及K17 港鐵接駁巴士。亦可在大埔墟港鐵站轉乘 71K 線巴士或徒步三十分鐘，即可到達。 開放時間 昆蟲屋：上午8時至下午7時 香港回歸紀念塔：上午7時至下午7時 草地滾球場： 星期一(公眾假期除外)：關閉 星期二至星期五：上午8時至下午1時及下午6時至下午10時 / 星期六、日及公眾假期：上午8時至下午10時 門球場：上午7時至下午6時 其他公園設施：全日24小時 (以上資料更新至文章當日)   =========================== >>> 看更多親子旅遊/好去處文章 ===========================     Facebook專頁: 呀劍萬帥 kimfamilytravel   Blog網誌 : kimfamilytravel.blogspot.hk