副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

【增強免疫力】太子參螺頭瘦肉湯

今次主要係以太子參為主,佢性質溫和而且補而不燥,同時亦有助增強免疫力,可以用於病後修護、調理身體。最啱小朋友、陰虛内熱體質同樣適合。海竹頭、麥冬、沙參就可以滋養氣血、養陰生津同埋潤肺止咳。

依排開始轉天氣,早晚又帶少少涼風,早前小小豬都好慘慘豬咁病左幾日,病好就當然要好好調理,要增強免疫力,咁就唔會再病呀! 病好左嘅小小豬緊係要補補佢,所以就煲依個太子參螺頭瘦肉湯啦~  今次主要係以太子參為主,佢性質溫和而且補而不燥,同時亦有助增強免疫力,可以用於病後修護、調理身體。最啱小朋友、陰虛内熱體質同樣適合。 海竹頭、麥冬、沙參就可以滋養氣血、養陰生津同埋潤肺止咳。再加埋滋陰補腎嘅乾螺頭,咁就可以變成好啱小朋友增強免疫力嘅靚湯啦!   材料就需要以下幾樣: 太子參1両乾、螺頭10粒、沙參1両、海竹頭2両、淮山10塊、麥冬1両、陳皮1塊及豬肉眼約$40~ 陳皮用水浸軟刮瓤;乾螺頭用清水放在雪櫃浸一晚~  瘦肉洗淨汆水;其他藥材用清水浸10 分鐘,隔水備用~  煲內放約4L水,然後隨水加入果皮~  待滾起後,加入其他材料~ 用大火加蓋煲約30分鐘~  再轉慢火加蓋煲多1個半小時~  最後加少少鹽就飲得啦,唔好以為全部都係藥材啖湯一定好藥味,由於太子參個味唔濃,其他藥材都係啲溫和,再加埋螺頭個清甜,所以啖湯都係好甜,小小豬都好鐘意飲呀~ 溫馨提示:由於材料都涉及藥材成分,所以係好因應個人體質,大家記得煲之前了解下自己,或者問下相熟中醫/藥材店職員,呢個湯料啱唔啱自己呀! 繼續看: 【清熱解毒】粟米鬚紅蘿蔔馬蹄水 幼兒湯品:金銀菜紅蘿蔔陳腎湯 幼兒湯品:蘋果雪梨粟米雪耳湯 >> 今晚煲咩湯? 看更多湯水食譜分享