香港公園早前那條超長滑梯重開, 好多媽媽都好開心, 但將軍澳區原來都有一條成層樓咁高的滑梯,  但因為公園位置唔係太顯眼, 除左區內街坊, 其他人都比較少見到, 公園位於調景嶺, 由於上年先開, 所以公園好多設施都仲好新淨, 加上香港地好似己經越來越少見呢款銀色滑梯, 大人見到好多童年回憶都返晒黎, 唔止小朋友大人都想上去玩返一轉 ^^  雖然話公園位置唔係太顯眼, 但其實好易去, 調景嶺A出口過馬路沿住單車徑一直行, 5-10分鐘就到, 非常方便.  沿住單車徑一直行就會見到調景領體育館, 左轉上樓梯, 行到最頂再向右行就見到公園了。 調景嶺體育館及圖書館上年我都曾經寫BLOG介紹過, 有興趣可以參考返我的分享文。 http://1437rita.blogspot.hk/2016/05/blog-post_6.html  一去到公園小周董當然首先要玩下呢條成層樓高的滑梯, 成條滑梯無任何樓梯可以行上, 所以第一次要媽媽先上左去, 再抱小周董上來。  唔係講笑, 我上到滑梯頂望落去都真係幾高 ((自己都有少少腳軟軟)) , 反而小周董完全唔識驚, 一下就SIR左落去囉!!! 好快啊~~  第二次仲嘗試自己上去添, 講真, 太細既小朋友其實無咩可能自己攀到上去, 同埋上到去見到左邊位置欄杆位勁高, 小朋友太矮的話一差錯腳就會跌落地面, 所以太細既小朋友我都唔建議比佢地自己一個人上去玩, 始終玩都要注意安全呢。  小周董表示非常刺激, 要求玩多3,4,5,6,7,8次....OKOK 係辛苦晒爸爸托佢上去囉~哈哈!!  呢類滑梯可能特別快....而且咁高, 小周董真係好HIGH心 (開心), 嘻嘻!!  除左條滑梯, 公園仲有好多攀爬設備, 所以眼見公園仲有好多較大的小朋友玩  小周董細細粒係咁易玩下跳上跳落己經好開心呢  爬來爬去消耗男孩子無窮精力  小周董玩成層樓高的滑梯唔驚, 爬高爬底又唔驚, 反而行上呢個轉轉圈上面大叫驚驚~佢個驚樣太好笑啦!!  如果驚就去隔離有個BB 少少既滑梯玩啦, 同樣成個滑梯都係無樓梯, 小朋友慢慢爬上去啦, 加油^^ 玩完成層樓高的滑梯, 再玩呢個短既, 刺激度大減, 但小朋友依然玩得興奮  玩左成個鐘, 媽媽充當攝影師, 體力勞動呢D當然係交比爸爸啦, 小周董想隻船轉十個八個圈, 辛苦晒爸爸啦~哈哈哈 玩完當然要洗手先可以離開啦, 公園有啱晒小朋友高度的洗手盤同飲水機, 細心程度值得比個LIKE呢^^ 繼續看： 【親子好去處】鬧市中的天空花園。隱世兒童遊樂場 【親子好去處】荃灣愉景新城 D.Park鯨魚公園 【帶寶放電】深水埗遊樂場大驚喜 >>> 看更多親子好去處分享   ===============================================     www.facebook.com/1437ritaandhim 歡迎邀稿或其他產品試用，電郵聯絡: ppqq1437@yahoo.com.hk  其他BLOG分享包括:  Instagram, Blogspot, Weshare, she.com, theZtyle, BeautyExchange, ELLE.com, Mamibuy, ClassesWePlay, style-tips, QOOZA, U Blog, iTrial, Esdlife靚太club, Mybb.com, OpenRice