副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

【懷孕日記】成為準 媽媽!懷孕初期症狀~

其實呢個BLOG有D似我既私人日記,又想可以同大家SHARE下一D有用既資訊。有留意開我D POST既已經知道我就快喺幾個月後就加入做媽媽既行列!對於我同老公黎講,呢個係真係我地既一個小公主~小天使!

其實呢個BLOG有D似我既私人日記,又想可以同大家SHARE下一D有用既資訊。有留意開我D POST既已經知道我就快喺幾個月後就加入做媽媽既行列!對於我同老公黎講,呢個係真係我地既一個小公主~小天使!喺我地發現有呢個小寶寶既時候⋯⋯同我由細到大既幻想真係好唔同~   故事就講返2016年既2月 我同老公仲係新婚之喜之際,我地發現有咗我地第一個小寶寶!真係好興奮,又開心。一D都唔知咩係緊張,咩係為人父母既擔心~好不幸,我地既第一個寶寶喺8週第二次產檢既時候,發現得返好微弱既心跳,生長停留喺6週。嗰時真係好晴天霹靂,成日諗點解會係我架。不過,冷靜見慣世面既婦產科醫生們都話4個有1個寶寶都會係咁(知咗只係得一個「哦」字),我只好努力咁接受呢個事實(大家慢慢就會知道我係一個比較現實D既人,傷心還傷心,LIFE GOES ON,要快D企起身)。 喺無咗第一個之後,西醫們都建議起碼比自己個CYCLE過 3 次先好再努力⋯⋯中醫就覺得如果係自然流產既,就可以喺下一個CYCLE再黎就開始努力過。但老公總覺得PLAY SAFE,我地喺第三個CYCLE後,就又開始用APP CHECK住排卵期(喺頭3個CYCLE,我就紀錄返自己既CYCLE DATE)。其實我喺之前試過好緊張咁喺到度體溫,CHECK排卵紙。今次呢個寶寶二代,就係我地「順其自然」既結果,雖然話順其自然,我地都要喺個APP嗰幾日努力工作先得既,哈哈! 結果喺第二個月既時候,一直好準既我發現遲咗,一CHECK就知⋯⋯「得咗?老公起身幫我睇下,好似有淺淺一條線!」老公即刻帶眼鏡,好似係喎,大家都有小小眼濕濕咁,心情又開心但還係帶DD傷感(好複雜既情緒)。不過~點算,我地已經放棄態度,BOOK咗過一個月到,就去旅行再散心。   之後就喺個棒捧再深D後,就喺第5週既時候,我地去照超聲波!醫生都喺照知比個心理準備我話仲細週數,未必照到D咩。不過無辦法啦,第二次係緊張D,早D照照睇下嘛。喺超聲波我地睇到有個胎囊,仲未睇到小胚胎呀~當下都好驚。因為失去咗第一個,今次知道後,有一種更大既母愛感對呢個寶寶。不過醫生話:著床既位都好好!過多兩過再黎應該可以見到小胚胎同心跳架喇!醫生仲安全起見,幫我抽咗血,過咗一週到知道血液檢查所有正常。但之後我都自己喺屋企又擔心,又期待咗2週,咩都唔願做,咩都無心機咁等待著!   (加返小小資訊,成日喺D BLOG到見人唔知點計週數~其實係喺妳最後一次黎M既第一日就開始計的)   等我總合一下我既小懷孕日記 0W~4W 其實一個月內係無咩感覺,如果妳既CYCLE準既,就可以喺4週後既第一日試CHECK一下。其實我之前都有CHECK嗰D體温表,如果有機會遲D會再SHARE下多D DETAIL~ 5W~7W 開始覺得有D唔舒服~第一個寶寶我其實無咩孕反應,今次就開始覺得身體有D唔妥,但又無嘔呢D症狀嘅。有D人話反應大BB就會健康D,但我見有D人話無反應既都不知幾健康,哈哈⋯⋯見人見智啦,又唔洗盡信! 不過至於初期需要既營養 懷孕初期到三個月,其實如果醫生無覺得準媽媽缺咩營養既,都只係需要食葉酸。做開運動既健康媽媽,就請停止張度高既運動⋯⋯我呢個懶既就,根本唔多行唔多運動。 7W~10W 再去產檢,醫生終於見到小胚胎同照到心跳~ 醫生都知我地要去旅行,就叮囑話唔好太攰,多休息就得喇。所以我地既BABYMOON,就好SURPRISING咁發生咗,寶寶就好有福咁陪咗我地一齊去北海道。(其實好多人都對頭3個月去旅行有D爭議,比我既,我其實都有D擔心。但只係我同老公好鍾意去旅行,佢之後又未必拎到假再去住,所以先咁樣TAKE RISK去。NAUGHTY PARENTS) 旅行過程都無咩特別不適,但因為去北海道都要成4個幾5個鐘,長期喺飛機窄位到,係會有D辛苦。所以如果大家真係喺3個月前出國旅行既,可以既話揀D短程D既,會再舒服D。同埋我有帶嗰D防幅射帶,雖然唔知有無用,但都有用到。(另外,我建議如果懷孕去旅行,都係每日一個主景點,真係有心情有體力既,先再ADD上去。或者就逛逛街,享受下BABYMOON嘛) 11W 一返到黎,緊張既我們倆,即刻下一日去睇醫生。ALL CLEAR YEAH~   12W 12週既時候,我都去咗度頸皮,寶寶嗰日好乖乖,訓平平咁,好快就照到。(我見到照幾次都照唔到既媽媽,要不停咁行,希望佢快D訓正D,因為係要度佢頸後嗰條透明帶)嗰日因我老公忙,就帶咗媽媽去陪我,佢第一次見寶寶,都覺得好神奇,3個月就咁大隻。寶寶仲跳起咗幾下,打招呼XD   同時為咗追求安心,我仲抽血做埋T21。我都唔係好學術咁知道T21既醫學資料,但我就知我比人抽咗2枝血,話BB好似有1%既血喺媽媽既身體內,可以喺約3個月到,BB血濃度夠就喺媽媽既血入面CHECK到有冇咩唔正常。仲可以CHECK埋性別架!其實坊間仲有NIFTY,同另一個唔記得咩TEST,價錢好似平過T21,大家既目的都係想睇下寶寶會唔會有唐氏架啫。我喺中大私家嗰度做既,只要3個工作天,就打比我講RESULT,超快的。   第一孕期UPDATE~ 待續 延伸閱讀 【懷孕日記】WHAT I ATE TODAY!桑 寄生 茶!加蛋真 好 味 【旅遊】TRAVEL DIARIES: Live in Hokkaido Hotels 【旅遊】Foodie Fav Restaurants - Sapporo 【旅遊】北海道熱門景點!Travel Noboribetsu for a Day 【旅遊】北海道之函館~PRONTO LUNCH +函館山 +大門橫丁 【旅遊】北海道之函館~ 函館朝市/五稜郭/紅屋/仲有飲食推介添架!