副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

報名聯合醫院產前運動班及產前按摩班

聯合每次覆診都好快基本上係唔洗點等,但係如果要醫生紙就要等內小小。係第一次覆診時醫院會同時5~8個差唔多時間預產期既準媽媽,一齊見姑娘,講解生仔注意事項,喂人奶好處,有咩檢查要做,醫院有咩資源配套,比

各位恭喜發財,身體健康,事事順利,心想事成!!! 我預產期係4月尾5月頭,係準備照結構前就諗,如果係女就叫大四喜,仔就叫大三元! 因為身邊朋友都係女多,其實我內心都預係女,點知竟然係中大三元。不過其實我預咗唔止生一胎,所以仔女都無咩所謂。 選擇醫院就一定係九龍區,最緊要係近,都諗咗陣廣華好定聯合好,不過聯合近d, 所以最後都選擇聯合。 聯合每次覆診都好快基本上係唔洗點等,但係如果要醫生紙就要等內小小。 係第一次覆診時醫院會同時5~8個差唔多時間預產期既準媽媽,一齊見姑娘,講解生仔注意事項,喂人奶好處,有咩檢查要做,醫院有咩資源配套,比好多資訊你。 當中就有講到參加產前運動班啦! 聯合醫院自己本身係無搞,所以就要容鳳書記念中心或者將軍澳醫院到報。 參加條件就係要16週以上但係又唔可以個肚太大,同埋聯合寫轉介信,所以如果你決定參加就要覆診時同姑娘講,等姑娘出轉介信,當時我已經係25週所以要快d報! 先打容鳳書佢超直接叫我傳真轉介信比佢地,咩野都唔洗講,所以我就兩間都傳真咗,好快兩間都有回覆我。(傳真時記得寫上,想報產前運動班,個人電話號碼及等待回覆)  將軍澳醫院就好快通知我2月21有期可以參加! 容鳳書中心就通知有期就會打比我。第二次打比我就話見我將軍澳醫院已經報咗,所以有期都唔會比我。 (個人認為容鳳書中心物理治療部既姑娘都幾無禮貌,3次通電話都不太愉快) 之後就到產前按摩班,係聯合醫院開既一個月只有兩班係星期六,每堂只可以4對準爸媽,要35週以上先可以參加,但係又唔可以太接近生同唔可以有濕疹,報名就只需要同姑娘講就可以,姑娘會幫你睇時間報,有就有得參加無就無辦法啦!我好彩地報咗4月22日,到時已經係36週,姑娘話到時有咩事就盡量提早打比佢地取消。希望順利參加到啦!