副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

開心生日會@GATHERLAND

一年之中,最開心就係二月份㗎喇!事關晴晴同一班老友都係二月出世,大大小小嘅生日會一個接住一個,實在係充滿歡樂嘅月份呀!其中去過一個位於荔枝角嘅場地方好多嘢玩,地方又大,真係唔同大家分享唔得,繼續睇落去

一年之中,最開心就係二月份㗎喇!事關晴晴同一班老友都係二月出世,大大小小嘅生日會一個接住一個,實在係充滿歡樂嘅月份呀!其中去過一個位於荔枝角嘅場地方好多嘢玩,地方又大,真係唔同大家分享唔得,繼續睇落去啦! 早起的鳥兒有蟲吃,我哋同壽星仔同一時間到,快啲除鞋入去玩囉!gogogo~ Gatherland位於荔枝角地鐵站上蓋,交通好方便~ 入到去已經自發性四處搜索兼玩樂,打韆鞦打得勁開心呀! 原來瀡滑梯係要咁玩至夠high~ XD 仲有各式各樣嘅電動車,地方大,玩電動車都玩得爽啲啦!呠呠~ 棉羊仔都好好騎喎! 名廠跑車都有,堅呀!好似去咗車展咁~ 玩完一輪電動車,不如去屋仔玩下囉!開窗、閂窗都可以玩一大餐~ XD 場內設有好多車車任玩,仲有馬仔騎添! 都係自己腳動嘅車仔玩得夠狂野~ 啱細個啲小朋友玩嘅車仔都有好多款,呢度簡直係小朋友嘅天堂呀! 開車囉!呠呠~ 款式多到呢!花多眼亂,都唔知揀邊款好喇! 玩車車已經可以玩好耐。真開心! 仲有廚房同一啲小型玩具呀! bowling~ bowling~ 男女,喜愛玩球~ XD 三五知己一同玩足球機,賽事好緊湊呀! 小朋友對波特別情有獨鍾,同媽咪拋下波都可以好好玩㗎! 再唔係,自己坐住個彈彈波都可以彈得好hyper。小朋友真係精力無限呀! 波波池呢家嘢係兒童場所嘅指定設施啦!有邊個小朋友可以抗距波波池嘅誘惑? 咦!明明嚟果陣都未見彈床,突然好似海市蜃樓咁出現響眼前,充氣速度都好快喎!正呀!去玩囉!~ 充氣彈床+波波池,呢個配搭簡直係無敵呀!凡係小朋友進入此區,必定玩到進入忘我境界~ 好喇好喇!講咗咁耐都仲未介紹生日會主角添!就係梓燊小朋友踏入5歲,生日大快樂! 主人家都好有心思喎!除咗汽球,仲有tsum tsum曲奇餅提供。後面啲生日禮物已經越疊越高lu~ wo~ hoo~~ 多款汽球任揀,咁似行花市嘅?但呢啲係免費喎!做小朋友真係開心喇! 回禮小禮物一份份列隊排好,又食又拎,點好意思呀? 仲有多款廸士尼樂園貼紙任君選擇,主人家真係太周到喇! 五臟廟鼓聲響起,見到咁多美食個肚自然響得更勁!啟動吧! 十餸一沙律,飲品任攞!開餐囉喂!~ 招呼好晒班細路,就到我哋大人出擊喇!yeah!!! 小朋友坐櫈仔,大人就坐梳化,地方幾好丫!擦擦擦,擦番餐勁嘅先得! 食得快,好世界!食飽又去玩過囉!~ 現在宣布,生日會活動正式開始! 大家一齊來玩遊戲啦! 見到自己有嘅tsum tsum角色就中喇!中晒咁多個就可以BINGO! 個個都好緊張自己中唔中,似乎大家都希望攞大獎喎!情緒好高漲! 玩完精彩遊戲,就到切蛋糕時間喇!壽星仔生日快樂、身體健康、快高長大呀! 最後來一張大合照,整個生日會便去到尾聲~ it's wonderful!!! 分享蛋糕後,繼續把握時間玩多陣先捨得走!~ 樓上partyroom嚟講,Gatherland都算大,而且玩具設施仲好齊全添!啲小朋友玩到唔捨得走。好欣賞職員隨傳隨到,好幫得手,仲幫埋手分蛋糕添!真係冇得彈呀!想幫小朋友開party?唔駛諗到頭都大喇!又多個好地方啦!值得推介! GATHERLAND地址:九龍荔枝角青山道489-491號香港工業中心B座6樓7A室電話:54096079網址:http://www.gatherland.hkfacebook:https://www.facebook.com/gatherland.hk