上一次去私家產檢 都成個月之前 我通常12WKS後 1個月去1次   咁一直細細b 既BPD 頭骨橫徑  AC腹圍的長度 CRL 頭頂到臀部的距離 FL 大腿骨的長度 HC頭圍 都係符合佢既週數  唔知點解今次無啦啦細左兩個星期 ( 其實我睇返張相係細左10日)  但除左BPD 其他都合標準 醫生問我有冇覺得今胎個肚細d 因為上胎小羊羊都係中大size 咁我問醫生細咁多有冇問題啦 佢話兩星期後再尼check過 如果下次都keep住細2個wks就冇問題 如果下一次係細3個wks 可能就要做進一步既檢查   之後返到去個心囉囉攣，之後又係咁上網睇細頭仔既case  老公係咁叫我平常心 小羊羊又同細細b講加油 細細b你一定要健健康康呀