副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

(回顧)懷孕大小事 の狼來了驚雲。分娩徵兆解說。生得啦?

但就係十五號當晚。。。個肚無啦啦有D唔舒服,仲有少少見紅,所以老公又半夜三更送左我去QM。個晚我同老公都無覺好訓,攪左一大輪。。。雖然話BB已經足月,但真係無諗過岩岩過完生日BB就出來,既然咁岩講開「

話說上年係我第一個以媽媽身份過既生日, 當時小JM仲係我個肚入面游緊水。 而老公好有心咁係二月十三號幫我預早準備左個生日party, 雖然我無得再好似以前咁飲酒慶祝, 但見到咁多朋友仔來陪我過生日已經好開心~!   到正日十四號老公帶左我去睇戲同撐枱腳, 食完飯我地仲慢慢散步行返屋企抖下 (始終大住個肚都無咩地方可以去,只好慢慢散步回家!)   但就係十五號當晚。。。 個肚無啦啦有D唔舒服,仲有少少見紅,所以老公又半夜三更送左我去QM 個晚我同老公都無覺好訓,攪左一大輪。。。   一去到就上左產前房,老公就俾姑娘叫左去攪入院手續 老公攪完D手續返來仲買定左兩個蛋糕仔同水俾我, 怕我半夜會餓  之後姑娘就叫老公出外邊等,話要幫我駁機check下BB心跳同各樣野 好彩各樣野都正常 姑娘都check到有陣痛,但未係好強烈   就係咁,老公就一個人係外面等左個幾鐘, 到我攪掂晒出得去搵老公都已經半夜,於是我就叫老公返去抖下,有咩我再打俾佢 好彩既係第二朝檢查完見完醫生之後,姑娘話我可以出院, 所以我就好開心咁同老公講我地無事,而家可以返屋企   真係差啲俾小JM嚇左一跳,真係曳曳豬! 雖然話BB已經足月,但真係無諗過岩岩過完生日BB就出來, 真係俾小JM嚇左一跳。 唔通BB真係想出來陪爸爸過生日? (無錯,小JM的確係爸爸生日前一日就出左世~爸爸生日正日仲整左個大蛋糕俾爸爸添!)   既然咁岩講開「狼來了」,不如就睇下「真。分娩徵兆」啦! 咁就唔駛好似我咁驚驚青青啦!   分娩徵兆知多啲 大致上分娩既徵兆有三種,而且亦比教容易察覺得到:  1.)陣痛        陣痛係一種因腹部收縮而引發既痛楚,        最初個陣既收縮頻率唔會太頻密,但其後會慢慢增強。        姑娘話如果說陣痛達到每十分鐘一次,一個鐘有六次左右就代表住小B要準備出世架啦!        所以準媽媽們如果肚痛個陣都不妨冷靜少少,試下紀錄陣痛既次數,        以方便通知醫生同護士做紀錄。        亦可以用APPS幫忙做紀錄:        Google Play: 胎動~陣痛計時        App Store: 胎動~陣痛計時           2.)見紅        見紅,其實係指子宮壁同卵巢頸脫落既血液而成的現象。        當呢個現象出現既時候,就表示小B們好快就要降臨啦!        呢個時候準媽媽就要準備去醫院啦!               小提示:       助產使話過,見紅其實係可以沖涼既,因為小B又未至於即時會出世       所以準媽媽依然可以慢慢準備入院用品同沖涼!   3.)穿水        穿水,可以話係三個徵兆入面最急切要入院既一個!        穿水即係表示保護小B們既胎膜穿左,所以羊水就會流出!        穿水都可以分為「高位穿水」同「低位穿水」,        而「高位穿水」就比較難察覺一啲,因為羊水量教少,準媽媽未必可以及時察覺。        當準媽媽發現穿水就要即時去醫院啦,要盡快俾醫生檢查。          小提示:         我亦曾經問過助產使: 如果穿水可唔可以沖涼呢?        當時助產姨姨就同我講話最好唔好沖涼住,        因為穿羊水後小B少左個保護膜,如果沖涼水或者有細菌經陰道入左去就會危害到小B        所以建議準媽媽即時去左醫院檢查先,醫生檢查過無題目先再進行淋浴。        另外,當穿水後醫生會俾廿四小時準媽媽自然生產,如果有需要媽媽亦可以選擇催生。        一般穿水後需要係二十四小時內生產,以免小B受感染或有危險     除左以上三種情況以外,如果遇上以下情況都最好去醫院或者搵醫生檢查一下: 1.)經常性腰痛 2.)肚仔有脹住脹住既感覺 3.)肚痛到休息唔到 4.)突然出血而無任何痛楚 5.)有羊水以外既液體流出   各位準媽媽要加油呀! 希望各位準媽媽都生產順利!小B健健康康!   ♫ ESDlife靚太Club 。 星級榮譽會員 ★sleepyceci  ♬ ♩BK Milk。親子語。駐站Blogger  ★傑。斯與晴  ♪ ♫ Mami Buy香港媽咪幫。駐站Blogger ★傑。斯與晴  ♬ ♩Ohpama。Oh爸媽。駐站Blogger  ★傑。斯與晴  ♪   歡迎追蹤 小JM 既Fanspage 「傑。斯與晴」:   如有任何查詢/合作,歡迎聯絡我同小JM 參與產品試用或者各樣活動 媽咪既Email係: sleepyceci@hotmail.com 小JM既Facebook Page: 傑。斯   與   晴 (Jolie Babe。小JM の 成長印記)