副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

【預防皮膚乾燥】海底椰紅蘿蔔粟米瘦肉湯

依排天氣又嚟奇奇怪怪,又係時候煲下啲滋潤,最好就有埋止咳同埋預防皮膚乾燥嘅湯,咁就由內滋到外,小小豬就可以KEEP住做一隻滑滑豬啦~

依排天氣又嚟奇奇怪怪,又係時候煲下啲滋潤,最好就有埋止咳同埋預防皮膚乾燥嘅湯,咁就由內滋到外,小小豬就可以KEEP住做一隻滑滑豬啦~   海底椰有止咳潤肺之功效;紅蘿蔔就有助健脾消食,同埋化痰解毒;粟米就可以益氣補脾。 材料就有:海底椰1兩、粟米及紅蘿蔔各2條、豬肉眼$40、蜜棗三個~  瘦肉洗淨汆水備用,海底椰及蜜棗浸洗一陣~  粟米及紅蘿蔔去皮切塊~  將3L清水燒熱,然後放入所有材料~  待水再滾後用大火加蓋煲約15分鐘~  之後轉慢火加蓋煲多1小時~  最後加鹽調味,就可以飲得啦~  紅蘿蔔加粟米都係小小豬至愛,所以依個湯佢都係一口氣飲左兩大碗,而且仲食左兩粒粟米同好多紅蘿蔔,今餐真係可以話飽到冇朋友,小小豬仲叫我過兩日再煲過俾佢飲添!