副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

C。J の 爸媽手記。自家DIY母乳飾物。簡易教學

我已經成功以全母乳餵哺小JM一年,媽媽我真係既開心又興奮!隨住小JM既成長發加固,媽媽我已經開始偷懶,係返工既時候已經無再泵奶啦,只係留返朝早同夜晚親餵,亦不打算盲目儲奶,始終「供求平衡」先係皇道。

小JM一歲啦!   亦代表我已經做左媽媽一年啦, 同時亦意味著我已經成功以全母乳餵哺小JM一年, 媽媽我真係既開心又興奮!   隨住小JM既成長發加固, 媽媽我已經開始偷懶,係返工既時候已經無再泵奶啦, 只係留返朝早同夜晚親餵, 所以雪櫃既儲備亦不多, 亦不打算盲目儲奶, 始終「供求平衡」先係皇道。   點想起從前由陀著小JM開始, 已經要決心以人奶餵哺, 一直希望幾最好既給最好, 而家,我終於做到了。 亦慢慢地令到身邊原本既「反對黨」又感到有點自豪。 呢點我真係覺得好驕傲, 所以真係好多謝小JM,亦好多謝老公既支持。   我未知小JM幾時會想停, 亦未知自己幾時會想停, 只知道小JM想要就俾係了!   最開心係每晚問小JM:「奶奶呢?你要唔要奶奶呀?」個陣, 小JM會笑到對眼都變成一條弧線, 呢個甜蜜既笑容媽媽每次都會被溶化, 雖然小JM出牙之後試過對我咬同扯, 但我都唔主張要鬧,反而係等小JM食完,再扮下痛同喊, 再話俾小JM知: 「奶奶好痛,你唔可以咬同扯奶奶喔!你呵返奶奶啦,好無?」 每次小JM都會指一指,再錫返再用頭枕住(當係呵返),個下真係好心甜。   媽媽有時真係唔捨的小JM長大得太快, 怕有日小JM會同媽媽既距離會遠左。 (當媽既真係會有點自私。。。哈哈,這個我不得不承認喔)   為左要好好紀念下呢個咁珍貴既進程, 我決定動手去做一份禮物俾自己同俾小JM去紀錄一下, 因為呢個點憶太珍貴啦,所以要好好紀念一下呢個「Magic Moment」。 (其實係俾個藉口自己去整母乳飾物就真!)   其實係整呢兩Set母乳飾物之前, 亦曾經想過要整好多次, 但每次都會有所顧慮, 我之所以有顧慮其實都不外乎擔心飾品中既人奶係咪屬於自己而已, 所以先會一直卻步。 (相信都唔止我一個會咁諗,雖然似係諗多左)   直到上個月,俾我見到有母乳飾物套裝訂購, 於是乎就膽粗粗去訂左兩套返來, 諗住一套整俾自己,一套就留俾小JM大個啲戴。   係訂既過程雖然有阻滯, 但店主一直係Email都有跟進同回覆, 所以我亦無擔心過買過會「走數」。 (一月份訂購,但一直未有貨,而我又唔想取消訂單,所以最終等到上星期先收貨)   到上星期終於收到母乳套裝啦, 個種心情簡直就係小朋友拆聖誕禮物咁款。 我亦急不及待快快手影相,再快快手實行「DIY母乳飾品」製作! ( 媽媽我好似好耐都無DIY啦,好似結婚個陣就多!)     今次我訂左兩套材料包,分別係:A款 心型鏈 同 C款 奶咀鏈   材料包大致上係一樣既,只係款式盒有唔同而已。 材料包括有: -固化劑  -小量杯 -膠滴管 -膠水 -紫外光小燈 除以上材料外,亦要預備約10ml母乳(夠整晒以上兩套啦)   製作方法簡易,係屋企都可以輕鬆完成整個過程, 而且店主Maggie亦已經預備好一張製作流程既簡單教學, 所以整起上來亦都好得心應手, 只係臨尾要做黏貼封口要稍為留神就可以了。   不如大家一齊睇下我既製作過程呀!   1.)    先將煲滾熱水     再將 固化劑 取出並置放於碗中以加熱座溶即可     (*我整兩套鏈只係用左一粒固化劑咋!)          (固化劑已差不多okay啦!)   2.)    將已座溶既 固化劑 加入已盛有母乳既小量杯中     再將固化劑及母乳混合        3.)    以膠滴管吸取部份母乳混合劑        4.)    再慢慢小心地將膠滴管中既母乳混合劑放入飾物樽內       **小提示**     進此步驟時,要慢慢,不宜心急     以免將空氣都一同注入,就會影響到飾物外觀架啦!        5.)    當注滿整個小樽之後,就將小樽放穩,以靜止一會     如果見到小樽有空位可再次注入母乳混合劑以填滿小樽           6.)    當小樽完全填滿並已靜止一段小時間後,     就可以用膠水作封口,以黏緊吊飾圈           7.)    最後步驟     上左膠水之後就可以取出紫外光小燈     將小燈照射到有膠水既地方,以加固     (呢個步驟就需要小小耐性喔)          咁就大功告成架啦!       而A款就會多一個小小步驟,就係將母乳珠放入心型吊咀模之內。             Yeah!我既DIY母乳飾物終於出爐啦! 俾大家睇下成品先!   你地都快啲來一齊動動手做母乳飾物啦!   有興趣媽媽們可以係Page Inbox問訂購資料,歡迎路過我地個Page再俾個"LIKE"喔!謝謝! (利申: 本人與店主並不認識喔!)   ♫ ESDlife靚太Club 。 星級榮譽會員 ★sleepyceci  ♬ ♩BK Milk。親子語。駐站Blogger  ★傑。斯與晴  ♪ ♫ Mami Buy香港媽咪幫。駐站Blogger ★傑。斯與晴  ♬ ♩Ohpama。Oh爸媽。駐站Blogger  ★傑。斯與晴  ♪   歡迎追蹤 小JM 既Fanspage 「傑。斯與晴」:   如有任何查詢/合作,歡迎聯絡我同小JM 參與產品試用或者各樣活動 媽咪既Email係: sleepyceci@hotmail.com 小JM既Facebook Page: 傑。斯   與   晴 (Jolie Babe。小JM の 成長印記)