副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

【滋潤必飲】無花果滋潤茶

一到轉天季嘅時候,就一定要好小心,因為有少少出錯,小小豬個濕疹壞朋友又嚟攪佢就大件事啦!除左要多多塗CREAM保濕皮膚之外,都要煲多啲滋潤嘅涼茶俾佢飲先得,所以就煲個無花果滋潤茶啦~

一到轉天季嘅時候,就一定要好小心,因為有少少出錯,小小豬個濕疹壞朋友又嚟攪佢就大件事啦! 除左要多多塗CREAM保濕皮膚之外,都要煲多啲滋潤嘅涼茶俾佢飲先得,所以就煲個無花果滋潤茶啦~   其實我都幾鐘意煲無花果,因為小小豬鐘意飲之外,仲係非常有益,可以滋腸解渴,減少口乾情況同埋防止皮膚乾燥,所以得閒就煲多啲,等小小豬等小小豬潤一潤啦! 材料都好簡單,我依個份量煲出嚟就有大約八杯左右,依家天氣都凍凍地,所以都唔煲太多放雪櫃(唔想凍飲嘛)。 材料:無花果約30粒、果皮1小角、淮山約5-7塊、南北杏約1湯匙~ 果皮先浸軟去囊;其他材料用清水浸約10分鐘~  煲內放約2.5L水,然後加入果皮~  待滾起後,加入所有材料~  先用大火加蓋煲約15分鐘~  再轉慢火加蓋煲多45分鐘~  最後再焗15分鐘,隔渣後就可以飲得啦~  雖然今次加果皮同淮山一齊煲,不過依舊係以無花果為主角,所以依然係甜甜地,所以小小豬又點會唔鐘意,仲會自動自覺去斟嚟飲添! 溫馨提示:由於材料都涉及藥材成分,所以係好因應個人體質,大家記得煲之前了解下自己,或者問下相熟中醫/藥材店職員,呢個湯料啱唔啱自己呀!