夫妻之間良好嘅關係，係小朋友最大嘅禮物。我哋響香港公教婚姻輔導會上過一啲婚姻講座，講者談笑風生，而且富有幽默感。仲記得果陣好期待每一場講座，因為真係好搞笑，亦獲益良多。其中一次講到「夫妻雙方最難寬容與忍耐的10件事」印像特別深刻，同大家分享一下啦！ 呢件擺設係朋友送贈嘅其中一份結婚禮物，整得似樣嗎？XD 入番正題，夫妻雙方最難寬容與忍耐的10件事係啲咩？睇埋落去啦！ 1. 講嘢大聲、惡 2. 小氣 3. 婚外情 4. 姻親關係 5. 唔鍚自己 6. 唔聲唔氣 7. 冇責任感 8. 婚外性行為 9. 籮疏 10. 指出對方嘅死穴 以上10項，大家又中咗幾多項呢？ 多啲欣賞與讚美，少啲批評同指責。當對方感到被尊重及欣賞，自然希望為你做得更多、更好。好多小問題都會化解，大問題亦都唔會發生。 其實生咗bb之後，注意力好自然會去晒小朋友身上。但係仔女會大個，將來亦會有自己嘅伴侶、家庭。始終陪你走埋餘下人生嘅路就只有你身邊果位，所以保持良好嘅夫妻關係都好重要㗎！ 在繁忙生活中，都要抽啲時間兩口子出去拍下拖、重拾一下浪漫時光。仲記唔記得上次老公約你去街係幾時？如果已經遺忘，就要做啲嘢喇！快啲安排時間，正式咁date先生/太太約會啦！無論係食飯、睇戲定一話去行下街，相信都會係促進夫妻關係嘅好機會。大家都要努力呀！一齊為婚姻美滿、家庭幸福而加油！   晴朗天 - 食·玩·育·美·愛の親子平台 facebook專頁：https://www.facebook.com/happytrain123 blog：http://blog.xuite.net/chinglongtin/blog