細細b真係好曳曳豬，繼上次頭圍細左， 今次又到胎水問題。真係要打 pat pat 。 因為上次張醫生話我既胎水唔太充裕既關係， 兩個星期又去左覆診睇佢 今次再檢查佢話又少左，OMG ，真係好擔心 我見醫生都有少少緊張，幫我打晒信比Qe。 其實細細b 既size 都ok，但唔知點解我胎水又少左，唔通真係我休息唔夠？ 其實我已經將產假由前2後8，提前左前3後7。 唔使返工就可以早d休息， 依家醫生比左病假比直到我放產假， 佢話只要唔好操勞多休息就會多返胎水。 之後佢叫駁機聽埋bb既心跳，訓左係張床度， 最上果個係bb既心跳，中間係宮縮指數， 最下果個就係當bb郁果陣我按既數量， 聽左半粒鐘，醫生睇左報告， 又話心跳報告都好靚，都安慰d。 依家幾日後再覆診，返尼又駁機聽下心跳， 醫生叫我記住唔好操勞，多休息，睇下情況點啦。