副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

產前按摩

尋晚又去左做產前按摩真心讚按摩師真係好有heart,佢會記得上一次你邊d位無咁好今次會做左先,同埋我話我前一晚抽筋抽到好痛佢都幫我做耐d一路按既過程佢一路大家傾下計,又話我知邊d位我自己返屋企要點按下

尋晚又去左做產前按摩 真心讚按摩師真係好有heart, 佢會記得上一次你邊d位無咁好 今次會做左先,同埋我話我前一晚抽筋抽到好痛 佢都幫我做耐d 一路按既過程佢一路大家傾下計, 又話我知邊d位我自己返屋企要點按下 等d淋巴通返d可以舒緩下 同埋有d咩位自己唔好亂按 (唔講唔知,原來我成日叫老公幫我按下個膊頭都係唔得架 佢都叫我唔好再按,因為膊頭有好多穴位, 唔識既話會影響到bb,雖然而家陀穩左,但都唔好亂黎, 不過有可能好多媽媽知,係我唔知到) 1.5hrs好快就過,真係想按耐d. 由於我係最後一個booking,所有出到黎都唔好意思 不過staff都好nice,唔會嚴你阻收工 (有d會黑黑地面,拿拿林想你快d走) 準備好水比我飲又成. 跟住我為免阻佢地收工都話打電話黎book期得, 佢都話唔好啦,因為做body真係好full (同埋我指一定搵返個按摩師) 所以選擇既日子仲少, 佢好有耐心咁幫我搵邊d日子可以就到. 結果攪到佢地遲左差不多半個鐘先收工. 真心,雖然佢地收費係貴d,但係我遇到個好好既按摩師 同埋佢地d service真係唔錯既. 房間相: 由於太趕所以是但影 房間唔算好大,但係都好舒服 床有暖氈,係入房前佢地會幫你暖左床先 到按個時可以叫佢熄 旁邊有locker可以放私人物品 同洗手盤,按完之後可以濕d水輕輕抹下d油 有髮cool同即棄底底同bra放好係到換.