副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

Babyganics天然幼兒驅蚊噴霧

世界上最可怕嘅都可以話係蚊喇!晴朗試過落一落平台玩半個鐘,已經可以每人咬十粒八粒蚊爛番嚟!都只怪一時貪方便,冇做任何防蚊措施啦!最近,試咗隻美國產品,用咗之後係少咗蚊叮蟲咬喎!一定要介紹畀大家!Bab

世界上最可怕嘅都可以話係蚊喇!晴朗試過落一落平台玩半個鐘,已經可以每人咬十粒八粒蚊爛番嚟!都只怪一時貪方便,冇做任何防蚊措施啦!最近,試咗隻美國產品,用咗之後係少咗蚊叮蟲咬喎!一定要介紹畀大家! Babyganics天然幼兒驅蚊噴霧 6oz $159 天氣好嘅時候,我哋特別多戶外活動,但有時真係好怕去啲郊外地方。但係冇辦法呀!鍾意親親大自然就無可避免。唯有響防蚊方面做得好啲啦!試過Babyganics之後,覺得幾好喎!噴上手感覺有一層薄薄嘅油份,具備防蚊功效之餘,亦唔會咁易揮發冇晒~ 輕易按嘅擠咀,晴朗都可以自己噴噴呀! 噴完之後,大人可以幫忙均勻塗抹於皮膚上。如果係小朋友自己搽嘅話,搽好之後記得洗手喎!咁就全身都受到保護啦! 間中就會聽到同學仔媽咪投訴小朋友放學番到嚟咬咗好多蚊爛,我都聽聞過學校多蚊,所以番學前都會幫佢哋噴上薄薄一層Babyganics先進入學校。唔知關唔關事,又唔覺晴朗響學校畀蚊咬喎! 既然有效,出席唔同嘅戶外活動都帶埋Babyganics去喇!防蚊效果的確唔錯! 試用過嘅場合如下: 大型露天燒烤場地 親子旅行 主題樂園 康樂營地 屋苑平台 試驗咗一段時間之後,覺得babyganics好適合晴朗用,再落屋苑平台都冇有怕喇! babyganics係兒童安全配方,不含DEET(避蚊胺),適合6個月以上幼兒至成人使用。安全溫和,有效驅除蚊子及害蟲~ 百分百純天然植物精油配方,不含苯甲酸酯類防腐劑、硫酸鹽、鄰苯二甲酸或、人造香料或色素。6安士咁大支,好抵用呀! 用之前先搖一搖,由於佢哋採用純天然嘅植物精油,所以響防蚊功效方面會比較持久。如果長時間於戶外活動,2-3小時就要補一補喇!盡量避免噴到眼睛同嘴~ 成份包括香茅、薄荷、迷迭香、檸檬草及天竺葵~ 美國製造,而且冇經任何動物測試,值得支持呀! 市面上防蚊產品咁多,難得試到一款啱晴朗用嘅,真係好喇!最鍾意係佢冇香味,亦不含DEET,咁畀小朋友用都安全放心啲啦! 原來佢哋有出一set輕便裝,仲有埋防曬添!細細支,好方便!平時放響手袋,幾時要用都得啦! 夏日防護輕便套裝 (驅蚊噴霧 + 防曬露) 2oz $149 香港雨季雨量偏多,雨水充足嘅情況下,如果冇做好防蚊措施,隨時會畀啲蚊針到面腫口腫㗎!蚊真係好可怕,除咗可引致傳染病,如登革熱、虐疾、黃熱病、日本腦炎及近期流行嘅寨卡病毒感染之外,嚴重嘅仲可能會致命。大家都應該要提升個人防患意識,最直接嘅預防方法就係做好防蚊措施喇!除咗適當使用防蚊產品之外,更加要遠離蚊患嚴重嘅地區。好似山澗、街道嘅積水,最容易成為蚊嘅溫牀。大多數驅蚊劑都含有DEET(避蚊胺),如果DEET含量超標、過量或高濃度,有可能會導致皮膚出現紅疹、呼吸困難等過敏徵狀。不過唔駛擔心!Babyganics不含DEET,可以放心畀小朋友用呀!有咗佢,就去到邊都唔駛再咁驚啲蚊啦!而家應該係啲蚊怕咗我哋多啲喎! Babyganics清潔及護理用品網址:http://www.blissandbless.com/babyganics/13facebook:https://www.facebook.com/BabyGanics.HK ※ 以上產品及產品說明由品牌提供 FIND US on:       BLOGs: CONTACT US: