副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

C。J の 爸媽手記。媽媽有話兒。在職媽媽不容易

其實打從懷孕開始,雙職媽媽也面前著各樣前所未見既問題或障礙,有時真係難勉會令媽媽們感到有點綏。就小JM媽媽而言,打從懷孕起就已經要面對很多不同的挑戰。

這個世代大多數媽媽都係「雙職媽媽」,可以說係一件最普通不過既事。 雙職媽媽 在辦公室要面對工作壓力; 在家要面照顧發管教小B們, 當中既壓力真係不容忽視,亦不能掉以輕心,以勉令壓力越積越多而變成情緒病。   前陣子,小JM媽媽亦有點鬧情緒,似乎感覺到係壓力開始快要爆發, 突然感到上班就有如一件痛苦既事,或者係因為工作上既壓力突然增加既關係, 令到媽媽我有點想要放棄職場既生活,想要學習成為一位「全職媽媽」。   但永遠「想像」同「現實」都係兩個模樣,而現實總係殘酷既。 每當日復日被可惡既上司折騰既時候,真係巴不得想要拋下一句:我唔做啦! 但可惜內心總會有一把聲音幽幽的提醒我,要我按耐一下。   其實打從懷孕開始, 雙職媽媽也面前著各樣前所未見既問題或障礙, 有時真係難勉會令媽媽們感到有點綏。   就小JM媽媽而言,打從懷孕起就已經要面對很多不同的挑戰。   懷孕時期: 只要 精神稍遜、記憶轉差    就會變成焦點人物/產生焦點問題; 無謂人同事/上司會說:     「點解你成日都無理精神既?」     「點解你好似成日唔夠訓既?」     「你記唔記得___?我之前同左你講架呢。」     (心想:其實唔係重要野我係唔會Mark但囉真係!廢話!滾開!)   其實懷孕後,孕媽們既精神和體力已經不比從前,很容易就會覺得攰,或者需要休息。 甚至乎有些孕媽會開始出現「無記性」既一面。   孕媽想要 申請病假、休假 嘛?!慢慢變得有Say 刁難既說話真可多:      「你檢查完下晝返工得唔得?」     「啲檢查有無得改係唔係平日?」     「乜政府都有咁多檢查架咩?咁好架?」     「真係要個個月檢查架?」   孕媽基本上每個月都要「循例」到政府醫院、健康院進行產前檢查, 有某啲檢查或者會需時比較長,所以都會為孕媽開出一整天既假紙, 以方便孕媽們可以於檢查後可以安坐家中好好休息。      我當時因為怕向公司請假太多,所以都把私家既檢查盡量安排在星期六,以勉造成更多額外問題。   而孕媽媽 尿頻、嗜睡、成日肚餓 卻被誤會成偷懶借口, 但其實尿頻、嗜睡、成日肚餓都係因為懷孕而引起既反應,可不是孕媽媽的錯喔。   你要知,就算孕媽媽唔食,小BB都會反抗, 想當初小JM在肚內每天都定時提醒我要吃下午茶。      到孕後期睡眠質量更加比之前差,所以孕媽媽真係會好影攰架,仲要面對隨時出現抽筋既反應呢。   生產以後:  在家坐月子時或多或少會收到同事或上司既訊息, 內容先先會是恭喜,接下來就是無數既問題/難題, 主要係想搵你幫手解決問題而已。   所以新手媽媽坐月子時, 除左要面對產後不適、學習湊小B、學習母乳餵哺之類以外, 還需要抽空「解答」公事。。。 你想像得到有幾攰嘛? 媽媽可是要日夜不眠不休咁樣湊小B, 幾乎每兩個小時就要餵哺一次。   所以生產以後,對媽媽來講能好好訓一覺已經係天大既恩賜了。   當媽媽對湊小B變得「得心應手」之時, 媽媽又要準備為復工做好準備了。 而對於餵母乳既媽媽來講,復工真係絕非易事, 因為要提前「預演」上班後泵奶既次數及時間。 上班泵奶真係唔係易事, 要帶既東西亦都多,就好似: 泵奶機、奶樽、奶袋、清潔用具、冷藏袋連冰等。。。   你可想而知有好多重,你能想像得到母乳媽媽每天要拎咁多野係幾辛苦嘛? 除此之外,母乳媽媽還有機會要忍受谷奶、塞奶、乳線炎之苦, 真係非筆墨所能形容既痛苦。   而媽媽每天要做既就係下班後第一時間趕點家, 為既就係想同小B多啲時間見面、親餵, 當時我每日都堅持自己幫小B沖涼添, 係就係辛苦,但係親子時間一定要有。   返工泵奶,又唔敢用得多時間,又唔敢泵太多次。 唯有食個快飯再嗱嗱聲去泵, 為既就係怕俾人話我地用太多時間。   返工泵奶,儲奶又係一個問題, 曾經試過同事開冰櫃拎野, 但一直唔關好櫃門, 想等到自己整完野先閂。 呢啲情況真係唔知點好,但當媽既就緊係決定出聲啦。 除此之外,我亦曾遇過同事們既戲言, 對話大概如下:  A:「噢,原來公司無晒奶」 B:「咖啡都可以唔落架者!」 A:「咖啡點可以無奶架!好傷身架!」 B:「雪櫃有呀!JM媽啲奶,你拎去用囉!」   其實可以係戲言, 但係對母乳媽媽來講已經係一種侵犯, 「說者無心,聽者有意」呀,明無?   我一直係公司都係用會議室來泵奶, 但我只會係午飯時間用, 因為唔想阻礙公司同事開會。   但其實到左小JM半歲左右, 公司似乎已經「忘記」左我係要用房泵奶, 有時有意無意間都會係午飯時間用左呢間唯一既房去開會、食飯、打機。。。 而我就唯有等佢地用完先再用係啦。   到左小JM一歲後,媽媽我已經決定停泵,因為壓力真係太大。 幸好既係小JM加固理想,所以只係早晚奶都足夠。     而造成今次小JM媽媽要爆發既原因亦都係來自工作。 最主要還是以下兩個主因:  -    下班後被炸訊息,要求回應及回覆 -    言語上被不禮貌對待   連續幾天不斷被炸,仲要被受不禮貌對待,對話中有幾難受真係自己先知: 「我講緊中文...係咪好難明?」 「有乜咁難明? 」               「人呢?」 。。。 「E? 依家決定外判比人做呀? 唔係你整咩? 」 「因為我覺得自己整好簡單唔洗外判比人做,,所以我以為你會自己整」 。。。   但事實係我已經做晒囉一唔該。   對於遇上呢啲咁無禮、又唔識尊重人既人, ( 啊,唔好意思,唔係同事,係老闆們sss)  其實我一向都會揀唔出聲回應, 但佢地就偏要逼你點應不可。 當下真係有個衝動想出Group就算!         而家每朝既動力就係來自小JM, 唔知點解,自從第一晚俾人激親之後, 係第二朝小JM竟然陪我起身。 係我刷完牙洗完面後,小JM張開雙手表示要我抱, 唔抱抱就扭,當下我抱左小JM一下, 抱完我之後,小JM對住我笑,再拎開食緊既奶咀錫落我度, 再用力咁抱住我。 當下我喊左,因為媽媽覺得好感動, 人仔細細既小JM竟然識得關心人。 媽媽當下真係覺得好開心好感動。   有時臨訓小JM都會單手抱住我臉,再輕輕摸下,其實真係好sweet。   因為小JM既舉動,媽媽曾經有一刻動搖過想即刻轉做「全職媽媽」, 但細想過後,其實時機還未到。 或者等小JM正式上學前啦!   小JM,媽媽會同你一齊努力架! 我地都要加油!     ♫ ESDlife靚太Club 。 星級榮譽會員 ★ sleepyceci  ♬ ♩ BK Milk。親子語。駐站Blogger  ★ 傑。斯與晴  ♪ ♫ Mami Buy香港媽咪幫。駐站精選Blogger ★ 傑。斯與晴 ♬ ♩ Ohpama。Oh爸媽。駐站Blogger  ★ 傑。斯與晴  ♪ ♫ 媽媽經 。 駐站Blogger  ★ 傑。斯與晴   ♬  ♩ Ubaby Magazine。駐站Blogger  ★ 傑。斯與晴  ♪   歡迎追蹤 小JM 既Fanspage 「傑。斯與晴」: 如有任何查詢/合作,歡迎聯絡我同小JM 參與產品試用或者各樣活動 媽咪既Email係: sleepyceci@hotmail.com 小JM既Facebook Page: 傑。斯   與   晴 (Jolie Babe。小JM の 成長印記)