副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

孕~孕婦購物樂~(穿搭-連身裙篇)

係未懷孕之前,我係超級少著連身裙!可能係我太細粒,平時啲連身裙free size的話我一定唔ok...加上一著我老公就會話"哇!做乜著到成個大肚婆咁?" =.=...但宜家就唔同啦

係未懷孕之前,我係超級少著連身裙! 可能係我太細粒,平時啲連身裙free size的話我一定唔ok... 加上一著我老公就會話"哇!做乜著到成個大肚婆咁?" =.=...   但宜家就唔同啦!我係100%真大肚婆! 所以懷孕5個月到,我就差唔多日日都係連身裙 :p 呢到所有裙都係成為孕婦後買既~ 可能因為我太細粒,所以free size或者平時啲大牌子既S、M碼我到家下37週都仲著得落~ 應該生之前都唔會再買 :)   1. Uniqlo (below $100) 年頭嗰時我買左條同款我記得要$249嫁!上個月Uniqlo大特價!我就忍唔住買多件~ 不過質地都厚,呢排落雨天先著得,30度以上就唔好著la~   2. 葵芳 ($120) 葵芳其實好多店賣連身裙都係平過$60,不過質地真係一般。孕婦狂著的話,姐係會狂洗啦!買太平嗰啲洗幾次就會好肉酸...所以都係買啲around $100既比較好,超碼我宜家著左4、5個月都未洗爛 :p   3. Tout a coup ($399) 買既時候都好諗左好耐...$399 都唔平,之後又唔方會著得返...不過明明係橫條,著上身正面又唔算好顯肚!所以覺得有機會將來著返,所以就買左lu~   4. Global Work ($199) 一直我都係Global Work既Fans~今年呢啲假2件款好似都幾興,所以就忍唔住入手!   5. Uniqlo ($249) 呢個就係同第一條同款既Uniqlo!由冬天著到家下,我覺得好靚~襯平底鞋又得、波鞋又得! 仲要係直紋,有修身既效果!   6. 旺中 ($69) 十世無行旺中既我,為左買啲平既連身裙,點都要行一轉!呢件其實都幾好睇,又寬身...不過就係質地麻麻,著左幾次已經好似好舊咁~不過將來都無乜機會著返都ok la~   7. Chocoolate ($499) 成個孕期買得最貴既衫就係佢la!個人其實幾like Chocoolate呢個牌子,不過平時見佢細碼都大到一個點...家下呢件細碼就啱晒我著 :p 不過又係質地偏厚,太熱嗰時千其唔好著!   8. 50% (NTD 600) 我超鐘意呢件!次次著都有人會讚我keep得身形勁fit~唔似大肚婆 :p 加上又有袋!放電話一流~ 不過呢件都係我人生第一件L size既衫... 但唔緊要!卸貨後我又一條好漢!   由於我本身係XS / S size既人,所以都真係無買過孕婦裝~但我係FB見好多都好靚! 如果仲有時間,我遲下就再share下孕婦褲係邊到買la~   Facebook : 80後的人妻「旅」友  Instagram : https://www.instagram.com/wingring/ 邀稿 : wingring417@gmail.com / wingring@ymail.com