由酒店坐捷運去淡水大約40分鐘倒， 唔算太遠！ 呢一日天氣真係好好...  所以景色特別靚!!! 原來淡水有好多野睇呀..  我地得半日都睇唔倒咁多啦!!! 咁唯有四圍搵野食！ 咁食左乜呀？咪掃街啦！ 大部份既食店都係由呢條商店街開始！ 我地一路行一路食起碼食左7一8樣！ 未食之前..  比我地見到呢間搜奇博物館..  呢樹出面已經放左一D好嘔心既昆蟲...  重有一D奇怪既生物..  真係好有當年睇 BELIEVE OR NOT 果種FEEL!! 當然我地唔會比錢入去睇啦!!! 可口魚丸 有50年歴史的老店！ 最出名魚丸同包， 魚丸一份4粒，好彈牙，入面重包住D肉！ 而包子，都OK既！不過我鐘意丸子多D！  緣味古早味原烤蛋糕 唔好講小，佢既蛋糕真係好香！ 排呢樹都排左一陣呀!!! 有原味（NT$80)同芝士味(NT$100),  當然係芝士味，重要係double cheese  一出爐成條街都聞倒！ 立即食，唔會好甜，而且入口即溶！ 好味到停唔倒口！ 溫馨提示：對面有一間叫原味，係copy , 不要買錯！ 阿香蝦卷 又係老店， 一串三件，炸的！（NT$20) 係雲吞皮包位D蝦炸 因為即炸即食，所以有D熱氣！ 個人覺得一般，因為不是原隻蝦 應該係混左豬肉，而且皮厚左D！ 半坪屋手工糯米腸，又係50年老店！ 食左糯米塞左入去豬大腸， 睇起成條好似好嘔心... 不過真係好好食!!! 糯米好淋，而大腸唔會好un! 加埋個汁就好好味！ 許義魚酥 呢個係淡水出名的小食， 見D朋友次次去台灣都買！ 所以今次黎都買左比彤彤！ 呢一次黎涼水都係有個目標架...  就係搵海邊走走既蛋卷！ 呢個係M姐介紹架！ 呢樹都有好多明星黎過架!! 佢既concept store 咁啱係淡水， 所以就買左先，如果唔係要去誠品先有得買架啦！ 有食當然有飲， 我地飲左天仁茗茶 同埋酸梅湯！ 之後食埋呢個巨無霸冰淇淋就回程啦！ 大的NT $30， 細的NT$20 不過，呢個大家可以不用試， 因為雪糕不夠香同滑， 我們要的芒果味也沒有！ 原來淡水咁多野食,  真係下次可以再早D黎食多D, 食多D!!! ---------------------------------------------------- 大家可以 like埋我地 facebook page 咁就可以緊貼我地架!!  https://www.facebook.com/3CMaMa   CCML BLOG 都會出現係呢幾個地方: http://ccmlfamily.blogspot.hk/ http://weshare.hk/piyobaby http://www.mybb.com.hk/home.php?mod=space&uid=10582&do=blog&view=me