副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

懷孕初期的無奈

好多人都話第二胎比第一胎會駝得辛苦D,當然每個人都唔一樣,但....我就被講中了。第一胎懷小周董時,只係攰左2星期要早早訓覺,其他一切如常,但今胎懷孕初期除左經歷過無胃口、孕吐,仲有長期心口悶焗、反胃

好多人都話第二胎比第一胎會駝得辛苦D,當然每個人都唔一樣,但....我就被講中了。第一胎懷小周董時,只係攰左2星期要早早訓覺,其他一切如常,但今胎懷孕初期除左經歷過無胃口、孕吐,仲有長期心口悶焗、反胃、企耐少少就見頭暈眼花。所以頭2-3個月日子好難捱。但最無奈既係,傳統上未夠3個月唔講得比其他人知,亦未見肚,呢張相係懷孕2個半,又有邊個會估到我大肚呢? 所以不論公司、朋友、或路人都未有留意<你是孕婦>。 先講我呢D在職媽媽,懷孕初期其實只會透露比老闆或高層人士知,其他同事全部唔知,但偏偏每個媽媽都會經歷過,懷孕頭1-2個月係會無拉拉好眼訓,攰到一個點真係完全不自控地要扒底訓覺,呢D時候係職場上總有一D特別關心你的同事,見你攰成咁向高層打小報告,而高層為左替我保守秘密,但亦唔想得失其他同事,會建議我太攰不如請假回家休息吧!! 但今時今日有假我都留返遲D做產假,仲點會浪費用來回家訓覺呢,所以唯有.....死頂,忍吧!! 另外,依舊因為傳統及擔心個胎未隱定的關係,除左至好朋友,大部份朋友都唔會知道我懷孕,但偏偏呢個時候,同一大班朋友食飯,飲返2杯啤啤佢都少不了,而我就要七情上面咁講大話解釋點解唔飲得酒,對住自己朋友講大話...其實真係好難好難呢,更何況我自己都真係好想飲埋一份呢...哈哈...但為左BB......忍啊!! 至於最無奈都係坐公共交通工具時,雖然優先座係可以比孕婦、老人家、小朋友及有需要人士優先坐,不過我發現亦有好多40-50歲的高齡女士、長期望著電話的中年男士,又或是一班拖喼旅客坐著。當然我明白優先座其實任何人都可以坐,我只係想講我呢類懷孕初期的孕婦真係無乜可能坐到呢 ^^'' 其實我真心明白外人根本唔會有勇氣問我是否需要坐,因為我過左3個月個肚其實都只係微微突出,人家唔讓座絕對合理,但曾經懷孕的媽媽都會明白,其實懷孕初期最容易有頭暈及反胃情況,遇上返工放工MTR最迫人的時間,真係想向天求救都無用,所以唯有都係....忍呢。 最後唔知係第二胎年紀大左,抵抗力都同樣差左,遇著大仔返學經常生病,雖然已經長期帶住口罩,但無奈懷孕頭3個月己經病左2次,仲要食抗生素先可以好,雖然真係好唔想食葯而影響肚入面BB,但有時真係好無奈,在家無可能唔接觸自己小朋友,但而家D惡菌真係無處不在,唯有無事的時候大人同小朋友都要食多D維他命C增強抵抗力呢。 現在懷孕差不多18W了,個肚開始越來越明顯,懷孕初期的不適亦漸漸減退,胃口正常返,亦再無乜反胃及頭暈情況,小朋友放緊暑假大家病痛都小左,我要繼續加油,希望我同小朋友& BB都可以健健康康,順順利利平安渡過我呢40週啦。如果睇緊文章的你正在懷孕,大家齊齊加油啊 ^^   www.facebook.com/1437ritaandhim 歡迎大家給予意見,如有任何邀稿或產品試用,請電郵聯絡: ppqq1437@yahoo.com.hk,我的其他15個BLOG分享包括: Instagram, Blogspot, BeautyExchange, Oh爸媽、24partent專家博客, Weshare, she.com, theZtyle, ELLE.com, style-tips,  U Blog, iTrial, Esdlife靚太club, QOOZA, Mybb.com,  ClassesWePlay星級blogger, Mamibuy駐站部落客, OpenRice(級別5)