簡介一下我自己先，我係順產媽，全人奶餵bb（頭一個月都有補奶粉） 坐月嗰陣時好辛苦架～每日要狂食嘢、狂餵奶、狂追奶、狂湊b⋯但係諗返轉頭都覺得好幸福！ 我坐月同大家傳統觀念 坐月要狂補⋯⋯有啲唔同 同埋我冇請陪月～唯有睇吓呢度睇吓嗰度，決定每日每餐食既野～（自己坐月，菜單都好難會好pro！） 當我喺醫院返屋企之後果兩個星期，因為仲有惡露，所以只係食返啲普通家常便飯，啲湯啊餸啊加啲果皮咁 第二＆第三個星期開始加DD薑落餸，同飲下啲上奶湯咁！ 第四個星期先加多DD補血既食材 餐餐都食得好飽，因為我只係一個中產媽媽，「食多啲會做多啲奶呀嘛！」 生完之後仲有keep住食Materna！ 其實 Materna 已經有充足嘅營養， 唔需要額外再補充多啲其他維他命嗰啲 其實母乳媽媽吸收多D湯湯水水，我發現飲得水多真係會多D奶！等個會陰傷口好啲，猛飲湯猛飲水都唔怕啦～ 因為母乳媽咪group既過來人媽咪們都話要日日飲4L水！（大家不況FACEBOOK 入母乳媽媽交流站） 早餐 我坐月嘅時候每日都一定會食四碗粥做早餐～ 每日既早餐大約係中式既排骨粥／南瓜肉片粥 ／魚粥 或者 瘦肉粥 午餐 午餐日日都係一份肉，一兜湯，一份菜（全部清淡為主） 飯最好每餐兩碗，做奶好重要架！湯就通常都飲三碗！雞湯、排骨湯、豬腳湯、魚湯 煲完湯食埋啲湯渣做餸！或者一雞兩味，做湯做餸咁⋯⋯ 坐月之前都有調查過有冇啲咩飲食禁忌，最簡單既就係涼嘅嘢唔好食！補血嘅嘢就食多啲！因為奶係血做嘅！ 茶點 人奶媽媽成日都會覺得好餓既，我有時就會食包餅、飲杯牛奶、芝麻豆漿、鈣思寶（上奶佳品） 好啲嘅有時就會叫老公去買個糖水紅豆沙、芝麻糊、薑汁湯圓⋯⋯ 晚餐 晚餐同午餐一樣一份肉，一兜湯（下晝煲落既），一份菜，加多份水果 生果方面大多數都係食蘋果、提子、車厘子⋯ 好多人都話人奶媽媽好容易瘦！ 但其實餵人奶又要食多啲野～其實我到宜家都收唔番身！ 延伸閱讀 【媽媽 教室】PARENTS TAG！DIAPER | MERRIES | PAMPERS  【媽媽 教室】MY BABY ’S MANICURE TIP 【嬰兒 日記】BABY 'S 3 MONTH UPDATES ! 關於育兒既日常 關於可愛既撥妹每日一相