副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

唔好再問我幾時生BB,OK?

未大肚之前,我成日俾人問候。姨媽姑姐三姑六婆,當然唔少得奶奶,見親面都關心我個肚,叫我有仔趁嫩生,何況你而家都唔係太嫩喇咁。即係咁,生B 呢家嘢唔係人多好辦事嘅..

未大肚之前,我成日俾人問候。 姨媽姑姐三姑六婆,當然唔少得奶奶,見親面都關心我個肚,叫我有仔趁嫩生,何況你而家都唔係太嫩喇咁。 即係咁,生B 呢家嘢唔係人多好辦事嘅,你哋成日一人叉一腳埋嚟,日講夜講,差在未爆入我間房督促我咋。喂呀,畀番少少空間我哋得唔得,生瘡都唔係想有就有啦,何況生B! 喺度我呼籲大家,千祈唔好問人哋幾時生B,就算你真係好關心好想問,最多問一次真係夠㗎喇,千祈千祈唔好催人生B。點解?除咗因為關你X事之外,亦因為生B路上,你真係唔知人哋行咗幾多路,經歷咗幾多事。 “我買咗百幾二百條排卵試紙” 好似我咁,由想生到真係有咗,經歷差唔多兩年時間。B,笨唔係想生就即刻有。我已經冇計之前食葉酸、睇中醫調理嘅半年預備時間,由開始不設防到bingo 經歷幾多個寒暑又有邊個知吖。我自己M又唔準,有時三個月先嚟一次,呢兩年嚟買咗幾多支驗孕棒,換來幾多次失望,唔係過來人唔會知我幾沮喪,你仲走嚟催我快啲大肚?! 除咗運動、飲食調理身體,我最後仲走咗去搵醫生了解人工受孕嘅可行性,desperate到呢~ 喺呢個時候,當我仲聽到三姑六婆加奶奶又催我快啲生,除咗想爆粗,我仲想贈多句,你咁叻你聽日大肚畀我睇吖。當然,最後我忍,只係輕輕丟低一句畀奶奶:你同你個仔講。 後嚟醫生叫我試吓用排卵試紙先,我即刻買咗百幾二百條番嚟諗住日日check,點知嗰個月即刻畀我bingo 咗!阿媽,我終於得咗喇! 可惜,開心日子冇幾耐就完,流產係我一生中最難過嘅事.............................. 呢個時候,仲久唔久有人催我快啲生,我已經唔想再回應任何嘢。 你永遠唔知你嘅八卦或者多事會唔會對其他人造成二次傷害,生仔呢啲私人嘢,問之前唔該停一停、忍一忍,大家成年人會識自己規劃,就算幾心急都唔係急就有,問咁多做乜啫。 “坐緊月又催我生多個,係咪你養” 仲有,我哋職業女性要考慮事業發展,而家生咗出嚟係咪你幫我養,我想一家人生活質素點,事業條路點行,我自有打算,如果你唔係養我全家,唔該出少句聲。 流產後我又喺催促聲中渡過半年,幸運地我又有咗喇!懷胎十月BB 終於出世,從此我再冇俾人問過呢個問題...... 就奇喇。 少年我太年輕了,生完之後,我坐月期間已經開始又俾人問幾時生多個,有仔趁嫩生,何況你????家都唔係太嫩喇咁...... 到底呢個循環幾時先可以完? 【#成媽之路 #歡迎轉載】