副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

如何在產後回復美妙身段?

OK, 生完仔第一件事要做乜?唔係唔知吖嘛?你睇吓Angelababy、長腳蟹、周汶渏,生完第一件事梗係瘦身啦,唔通係湊仔咩。所以,我真係好明白點解生完一個月見到親友,佢哋第一句就問我點解個肚仲咁大?

  OK, 生完仔第一件事要做乜?唔係唔知吖嘛?你睇吓Angelababy、長腳蟹、周汶渏,生完第一件事梗係瘦身啦,唔通係湊仔咩。   所以,我真係好明白點解生完一個月見到親友,佢哋第一句就問我點解個肚仲咁大?點解個人仲咁腫?根據佢哋嘅明星定律,生完出院嗰日就應該瘦返晒啦,條腰起碼好似未大肚之前咁,但係個胸又會因為漲奶大咗㗎喎,總之全身受懷孕影響嘅改變就只係個胸大咗啦!   產後荷爾蒙未恢復?懷孕增加嘅體液導致水腫?啲五臟六腑同條腸都未歸位?剖腹產嘅妳嗰七層傷口仲好痛? 咩話?你仲話要餵人奶唔可以節食?呢啲「藉口」,你啲親朋戚友唔會接受㗎,因為中港台甚至荷李活啲明星生完出院嗰陣都瘦晒啦,點解會有人成個月都未瘦番?   如果你產後都有呢個煩惱,恭喜你睇到我呢篇文!因為呢篇文一定會幫到你!冇錯,我題目係《如何在產後回復美妙身段》,我就快講到重點㗎喇。   呢個方法好簡單,無痛、省時,而且不費分文,好多媽媽知道之後都大感震驚!用呢個方法,你可以繼續做番媽媽產後應該做嘅事,繼續落力湊仔、抽時間休養身體、有得瞓就好瞓 -- 同時仲可以擁有產後美妙身段!   留心,我而家就講你知:           第一,你大肚生咗個BB出嚟先。 第二,你去照吓鏡。   無錯!呢個就係產後最美妙嘅身段!因為媽媽你已經做咗一件好美妙嘅事 -- 你製造咗一個小生命,用自己身體安全帶佢嚟呢個世界!   歡迎tag你大肚或者生完嘅friends畀佢哋知道呢個小貼士,同埋最重要係share 畀啲親友,曲定圓由佢哋慢慢領略吓啦。   #成媽之路 歡迎轉載