副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

如何選購嬰兒用品の奶樽奶咀與配件篇!

睇完一堆資訊,有以下幾點要注意!

嬰兒用品真係買極都買唔完,本身都唔想打blog,但做左咁多research,又唔想浪費。 今次想同大家分亨下奶樽,奶咀,同配件!呢個亦都係非常重要嘅一個 item。   好多人都話 BB 係一張白紙,你俾咩佢,佢就會要咩。 初我都係咁諗,所以買奶樽果陣,我幫佢揀左圓咀! 買奶樽之前,都做過好多 research,又問左媽媽谷,又睇左testingmama。 Chu Chu、Dr Browns、B free plus 等奶樽比較及測試! 睇完一堆資訊,有以下幾點要注意!   奶咀形狀 - 分圓咀,扁咀兩種 ** 有文章話扁咀奶咀BB比較易接受,因為形狀接近乳頭形狀 [BB吸吮時,媽媽乳頭被擠壓]   奶咀材料 - 分乳膠,矽膠兩種 ** 乳膠係天然橡膠,比較柔軟,BB易吸啜,更接近乳頭形狀。但有陣橡膠味,同耗損較快 ** 矽膠係合成橡膠,比較硬,抗熱度高,無膠味,但吸啜就要比較用力   奶孔大小 - 分S,M,L三種大細 ** Research:S [飲水],M [飲奶],L [飲米糊等輔食品]   奶孔形狀 - 分圓孔型,十字形,Y字型三種 ** 圓孔型,最常見類型,奶水會自動流出,BB 吸啜會更易 ** 十字形,可以根據BB嘅吸啜力來控制奶水流量,呀易漏奶 **  Y字型,奶水流量穩定,可以避免奶嘴凹陷。就算BB用力吸啜,奶孔都唔會裂大   奶樽形狀 - 分闊口,窄口兩種 ** 其實無咩分別,都係取決於媽咪都想咩。但大多數衫生嬰都會用窄口樽 (我都唔太清楚原因) ** 0-3m,建議用圓形樽,因為內頸平滑, 有助奶水流動順暢,方便 BB 飲奶 ** 4-12m,適合弧形奶樽,方便BB拎 ** 1歲以上,有學習手柄嘅樽 Info Link: http://www.peegaboo.com/wp/mommom-me/family_index/2014/top_ten_milk_bottle2014   奶樽材料 - 分PC,PP,PES,PPSU,玻璃 ** PC膠耐熱度低,易變形,而且容易產生有毒物質雙酚A [BPA]  ** PPS,PES,PPSU,較高質嘅物料,但媽媽最愛 PPSU 膠 ** 玻璃,除左易碎之外,品質都比膠質奶樽好,又耐熱。但一般比較較重,BB拎唔穩 Info Link: http://www.peegaboo.com/wp/mommom-me/family_index/2014/top_ten_milk_bottle2014   奶樽品牌 - 太多,不能細分 以下係最受港媽歡迎五大奶樽品牌 Info Link: http://www.peegaboo.com/wp/mommom-me/family_index/2014/top_ten_milk_bottle2014     沙律媽媽的選擇 - 奶樽 起初咩都唔識,就買左圓咀樽,闊口同窄口都有。 闊口樽買左 Playtex (美國製,BPA Free),因為有朋友話好用,加上排氣樽,減少嘔奶。 當時都諗過 Dr. Brown,但太多 parts,清洗十分麻煩,所以都放棄左。 加上果陣一田 BB 展,我買左 1 set Playtex 都係 HK$495,好抵! 包 3 個 6oz 細樽,4 個 9oz 大樽,1 個 4oz 旅行樽連奶袋 5 個,2 盒代換奶咀。 1 個學習杯,2 個碟,1 塊防水口水肩,2 個 spare 代換奶咀 & 排氣軟墊。   而窄口樽買左 CHUCHU (日本製),因為媽媽谷力推,所以都喺一田BB 展買左。 HK$278/4個,有媽咪話卓悅最平,但我都係唔放心買。   直到沙律 B 早產,醫院都係用圓咀餵佢,但早產關係,飲得好慢。 出院後,我都係用 Playtex 餵 [圓咀&圓形孔],基本上除左慢,都OK! 但 CHUCHU 就麻麻地,因為十字孔,勁難啜,我一早已放棄! [** CHUCHU 後來懷疑含 BPA,結果我萬寧以 HK$92/個高價退回!]    後來,沙律 B黃疸指數高,即日要再入院,我都有同姑娘講過佢飲奶好慢。 於是,姑娘就話:可能奶咀出問題! 當時醫院有 3 款奶咀,圓咀,扁咀,同埋 NUK 果款畸型乳膠扁咀。 試完,醫院建議我成全批換曬 NUK 乳膠咀奶樽!!![頭都痛埋] 但沙律 B用左 NUK 乳膠咀奶樽的確飲奶快左,但由第10日左右開始嘔奶。 一個月嘔左 11 次,嘔到我好驚![好彩已成為過去]   NUK 係唔差,但個乳膠咀令我發癲!因為太軟,經過日日蒸洗之後,己經勁難啜。 同埋,乳膠咀中間個位大力一啜,即 "痴" 埋一齊,出唔到奶。 結果我一個月換一批咀,勁貴。沙律 B 仲要勁衰,同牌子矽膠咀都唔要! 所以,由4月到7月,我換左3批 (18個) 乳膠咀。一包有2個咀,HK$42,1批6個就要 HK$126! 三批 HK$378,連埋奶樽 HK72/個,即係用左 HK$810/6個奶樽!完全拉高曬個價! 好彩去到第4個月,沙律 B 都肯轉用矽膠咀!至少耐用啲!!! ** 有時 AEON / 千色 / 一田都會做8折,如果無折,建議用 AEON member card 嘅 95折!   總結:奶樽千奇唔好買太多,因為唔係款款奶樽都適合! PS: 沙律媽媽好叻,將未開過嘅 Playtex 放曬出去!一個不留    沙律媽媽的選擇 - 安撫奶咀 我係一個咩都要買齊嘅媽媽,雖然唔想沙律 B 食奶咀,但都買定看門口。 起初奶樽買左圓咀,所以奶咀我都買埋 AVENT 圓咀,仲買埋奶咀扣等等! 但發覺沙律 B完全唔識啜,不停咁噴出嚟! 後來就轉左用 NUK ,以為會好啲 [因為用 NUK 奶樽],但佢都係唔啜。 同埋啜完 NUK 安撫奶咀,塊面有個奶咀印。 再後來,我用盡千方百計,買左 PHILIPS AVENT 香草奶咀,效果非常好!   可能好多人都唔知咩係香草奶咀,其實即係有 vanilla 味嘅奶咀!亦都有無味! 但呢款奶咀都有好多特別之處,因為一體化,清洗時唔會係入到水。 同埋可以當牙膠用,消除左 "食奶咀生牙仔唔靚架" 呢個說法。 台灣好多藝人都有俾仔囡用,而 testingmama 都有介紹過! 點解BB咁鐘意食美國Nicu Soothie香草奶嘴 ?   而亦都有人話呢款奶咀好多美國醫院都指定要用。 講到咁神奇,我都買左一個俾沙律B用,仲要勁貴,HK$60/個! 但效果非常好,而且沙律B晚晚都要啜住先瞓到! 因為沙律得B用好好,結果我買左個3個。 綠色果款係 NICU Soothie,缺口型,香草味,只有0-3個月。 其實呢款奶咀只有 2 個sizes,0-3m (未出牙仔用),同3m+/4m+ (出左牙仔用)! 我2個 sizes 都買左,其實奶咀個長度都一樣,所以唔使買都得! **陣 vanilla 味其實洗一段時間就無左。但一開就係會聞到好香vanilla 味    呢款奶咀係香港無得買,下下都要網購,所以為左方便,我都開始有做代購。 https://www.facebook.com/charlottenmom/posts/1387406501372791 第一次買 HK$60/個,自己代購HK$50-$60/2個,平好多!   奶咀係好好用,但要自己買奶咀扣同埋奶咀盒。 呢條牙膠奶咀扣係沙律契媽買嘅,非常個人化,大家可以上 FB Love U Two 睇睇。 另外,奶咀同傳統奶咀唔同,佢無蓋,所以要搵野代住。 因為沙律媽媽非常貪靚,奶咀盒都要靚,所以就買左 Nuby 個奶咀盒,堅好用! 但都有個唔好處,就會刪果陣會 "啪" 一聲! 可以鉤係床欄,手袋.... 好方便!但沙律媽媽無代購,大家可以上FB搵 KID CARE SHOP.   沙律媽媽的選擇 - 洗奶樽刷 開頭以為全部都一樣,原來都有唔同,我都係睇左 testingmama 先知。 Dr Browns、Chu Chu、Aeon 奶樽清潔刷 – 終極測試! Dr. Brown 出左2款刷,我買左呢款 [有棉款],同埋尾部可以清潔奶咀部分,好方便! 用左一段時間,覺得好好用,一皮枝刷搞掂曬!   暫時寫咁多先,其實仲有消毒蒸機,但因為朋友一早俾左一部 Tommee Tippee 我 而我家姐有俾過 Avent 我,我無做過 research,所以分享唔到感想! 【新手爸媽必看】揀奶樽4大注意事項&奶樽消毒方法