開始轉季小b嘅鼻敏感就嚟料，鼻水倒流引致乾咳，仲有痰。 媽媽速速請教光顧開嘅海味雜貨鋪的靚姐姐，佢推介左呢款<海底奇星湯>，可幫小b清痰火、咳後修護、滋潤脾胃。 還推介了好幾款啱一家人轉季入秋飲用的滋潤防肺燥湯水。 材料 (3人份量) : 1. 乾海星 3個 2. 蘋果 2個 3. 無花果 4粒 4. 青欖 8粒 5. 海底椰 (可省略) 適量 6. 生曬淮山 適量 7. 蓮子 適量 8. 百合 適量 9. 肉眼/豬腱 25蚊 做法: 1) 海星用熱水浸約 10 分鐘, 之後反轉背面將啡色的內臟取出, 之後清洗, 切件備用。 2) 蘋果去皮、去心、切件備用。 3) 肉出水。 4) 無花果洗淨，剪開 (更出味)。 5) 青欖洗淨, 用刀背拍扁 (先可以出味)。 6) 海底椰、生曬淮山洗淨備用。 7) 乾蓮子百合，洗淨。 百合用清水浸十分鐘。 蓮子用清水浸一小時，去芯。(浸左煲時快腍D 8) 煲內注入2L水，水大滾，除蓮子、百合外，所有材料先煲1小時，再將蓮子、百合落煲多約1.5小時，加鹽，飲得！ notes： 1. 蠶豆症者未必適合飲用。 2. 感冒中都不宜飲用。 3. 一歲以上才可飲用。