副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

如何選購嬰兒用品の消耗品篇!

BB用品,真係買極都買唔曬!上一篇分享完奶樽奶咀,今次要分享下點買消耗品。

BB用品,真係買極都買唔曬!上一篇分享完奶樽奶咀,今次要分享下點買消耗品。 話明消耗品,真係用得勁快,終於明白咩叫倒水式消費!!所以一分一毫都要計到盡!! 以下全屬個人意見。意見不同,勿插!     Item I: 清潔棉 (乾) 我相信 99% 媽咪都係用思詩樂 (日本牌子),或者 Soft Touch (好似係香港牌子)。 亦有好多人問﹕究竟邊個牌子好用啲....? 其實我都答唔到你。 我開初都有問過朋友,佢話 Soft Touch 好啲,因為浸完水唔會咁易 "梅"。 但亦都有人話﹕其實思詩樂好啲!真係問不出結果,只有成為用家先會知! 對於我嚟講,要考慮2樣野﹕price & quality!於是,我就開始左格價行動。   2個牌子都可以係一田,Aeon,千色買到,但百貨公司價錢就會貴少少。 思詩樂大部分藥房都搵到,最平見過 HK$24/包 (120片+20片),應該真係最平。 Soft Touch,係藥房未見過有。最平係 Aeon 原箱訂,150片,20包,最平 HK$433.2! 原價 HK$480,會員卡95折,逢2號或20號再95折,平均每包 HK$21.66,滿HK$500送貨。 價錢比散賣平好多,而且同思詩樂相比,都平好多!所以 Soft Touch 贏在價錢上!   而 quality 上,我都拎過 2 個牌子嘅棉做 testing。 放入水後,基本上 2 個牌子嘅棉都開始 "梅",所以我買左價錢平啲嘅 Soft Touch! **記住申請 Aeon 會員card,有折,又可以儲分,一年滿HK$5000,有HK$50 coupon!   清潔棉用處﹕ 1 - 加暖水抹 pat pat,尤其初生嬰。試過半夜幫沙律B 換片,用過濕巾,凍到佢到打冷陣  2 - 相對比較天然,因為好多濕巾都加左其他 chemical,驚引起敏感,同埋用棉平好多 3 - 大到 3-4 個月左右,BB勁鐘意食手指,可以用清潔棉加熟水抹手,我覺得最乾淨 Soft Touch: http://www.softtouch.hk/load.php?link_id=180567 思詩樂: http://www.suzuran.com.hk/ **登記做 member 有 samples 拎**   Item II: 濕紙巾 又係一個令好多媽咪都頭痕嘅 item,因為坊間太多 options,多到唔知點揀。 開頭我都面對過呢個問題,都做左好多 research,亦都睇左 testingmama 嘅比較。   1 - Nuk, 拭拭樂, Huggies, BOSOMI, Minimoto – BB濕紙巾大比拼 2 - Bosomi、屈臣氏、Toysrus、萬寧-平價BB濕紙巾全方位大測試 3 - 日日用嚟抹嘴仔嘅BB濕紙巾點揀好? 4 - 三款清潔產品的清潔度及滋潤度大比拼! 5 - Johnson’s baby、HUGGIES、順順兒、來來寶、萬寧-BB濕紙巾大比拼II PS: 我做 research 果陣,無咁多 links,宜家又多左!   當時我問好多朋友,睇左好多 blogs,又買左啲番去做 testing,所以有以下結論。 最緊睇幾樣野﹕純水!產地!價錢!清潔度!厚度! 總之最後我揀左來來寶,Huggies,同埋 Johnson's Baby!   來來寶,可能大家會陌生少少,但佢都係純水濕巾,台灣製,價錢平,但太簿。 我好少俾沙律B用,但俾左我姨甥用 (2歲),用嚟抹手 / 抹面 / 抹枱真係一流! 如果用嚟抹 poo poo,我強烈反對,因為太簿,好易穿    如果要訂來來寶,可以上 Facebook 直接 contact 佢地落 order 就得,仲要送貨! 我今年年頭訂左一箱 (24包,80pcs/包),買埋 VIP,送左2包 30pcs,都係HK$393。 購買 VIP 只需要 HK$15,有 discount,同埋可轉一次地址!   除左來來寶,我見 Aeon 星期三做discount,Johnson's Baby 賣緊 HK$5/包,20pcs/包。 我都大量入左貨,去街用都幾唔錯,同埋聲稱純水,台灣製。 一定要買藍色包裝,唔好買粉紅色果款,因為粉紅色加左潤膚。 抹完好似有泡泡,滑潺潺,感覺好差,同埋有味!   除左以上 2 個牌子,我仲用埋 Huggies,我覺得 Huggies 最好,雖然貴啲。 但佢勝在夠厚 (抹poo poo 都唔驚穿),純水,有台灣製同美國製! 但 Huggies 有太多 versions,有啲係純水,有啲99%係純水!我2樣都有用。   黃色包裝呢款係台灣製,寫明純水,普通藥房好似 HK$70 幾蚊 1 pack (3包,70pcs/包)。 但有朋友話某長沙灣藥房賣$48,太遠,無福消受。 所以我襯Aeon BB展買,HK$61.9,係我見過最平,所以都買左。 除左以上果款,我都係用另一款家庭盒製,Aeon/一田特價做 HK$19.9/80pcs,勁平! 我買左 2 盒,一盒 BB 床用,一盒放廳,勁方便,又厚,呢款好似美國製。 用完又可以去藥房買 refill,HK$33/包,可 fill 滿 2 盒。抵買! 但呢款好似唔係 100% 純水,我見沙律B 用得幾好就算數! 其實我自己都用過,都OK!所以會 keep 住用! 個人觀點: BB唔用韓國牌子,我睇左好多blogs,韓國牌子好多都無list out 成分! 但如果用來抹 playmat 或者 highchair,我都買左 759 果款韓國濕巾!   相關新聞: BB濕紙巾恐抹到過敏       Item III: 棉花球 當沙律B 未出世時,沙律媽媽已經不停睇 blogs,睇下有咩要準備。 而棉花球係個個準媽媽都會買嘅野,因為用嚟洗臍帶,或沖涼塞耳仔等等! 當然,沙律媽媽都會準備埋,以備不時之需!同埋棉花球好平... 於是,我又喺一田特價時買左包 Soft Touch,好似 HK$25 左右! 其實咩牌子都無所謂,總之嬰兒品牌就可以放心用!   到沙律B 出左世之後,我地都有用嚟幫佢洗臍帶,發覺唔係咁好用,都係用棉花棒好啲! 於是,沖涼又用嚟幫佢塞耳仔,點知太大粒,塞唔入隻耳仔,所以,放埋一邊唔用! 買左唔用又好似好浪費,我用嚟幫佢抹手,抹面,同抹眼,次次幾粒,用得好快!   但就係為用而用!再後來,我又發現左如何善用!! 因為沙律B 每次痾完 poo poo,pat pat 都有少少紅,我都會幫仍搽 pat pat 膏! 有人建議用手搽,但我次次都唔想用手,因為掂完pat pat,又掂番 BB,好似好污糟。 於是,我就用棉花球濕水幫 BB 搽 pat pat 膏,又乾淨,又方便!     Item IV: 嬰兒棉花棒 棉花棒同棉花球一樣,都係必買 item,但棉花棒用處大過棉花球。 我多數用嚟清潔臍帶,耳仔 (外邊位置,入邊唔敢清潔),同埋清潔鼻腔 (要好小心)。 So far 用過 2 牌個子,都係覺得思詩樂最好用。因為棉花位置可以整到扁扁地,清潔更容易。 Soft Touch 有隻專門用嚟清潔耳仔,但形狀奇奇怪怪,我無買到。 加上用思詩樂用得好好,唔想再轉! 同埋,普通藥房已經可以買到!好方便!       Item V: 洗衣液 洗衣液我開初都唔識揀,後來睇左 testingmama 就有少少頭緒應該點買。 不外乎都係幾點:清潔度,香味,產地,成份,泡量,易買程度,價錢。 我睇完 testingmama 比較之後,打算買Baby Swipe,因為佢洗得最乾淨。 NUK、baby SWIPE、babyganics、Pigeon-BB洗衣液大比拼!   於是,我走去藥房問,但唔係間間都有!最終,俾我係千色搵到。 打算買之際,發現原來大陸做。廠房係深圳,即刻放低走人!再搵過其他。  經過一輪篩選,決定用 Arau 雅寶,日本製!口啤唔差!  喺 2017 年2 月個 BB 展買左 3支 800ml,都係HK$100,勁平!  但如果去番大型百貨公司買,要 HK$70 幾蚊樽,太貴!  基本上有左個樽就可以買 refill (720ml),平靚正!  宜家網店大行其道,搵平野,真係好簡單!  沙律媽媽又瓹竉瓹罅,暫時搵左一間$29/包 refill,真係最平!  網店叫 Exclusive Baby,可以 Facebook 搵到。 每次買1箱 (12包),包送貨。 開頭果個月用得勁快,因為成日嘔奶。之後就好慢,基本上買1箱可以用成年! 至於味道,唔重味!泡量,幾好! 除左網店,好快地方都買到,但要平,就要慢慢搵!     Item VI: 洗奶樽液   洗奶樽液 開頭都係想買 Baby Swipe,因為睇完 testingmama。 Pigeon、Arau、Chuchu、Super Shell-洗奶樽產品大比拼! 最後都係因為大陸做,所以唔買,主力搵日本牌子。  加上家姐用開 Pigeon,覺得幾好,所以我都跟佢用! 雖然係 testingmama 個測試中,Pigeon 好似好一般,但用左咁耐,我覺得幾好!   其實,每次用完奶樽,我都用清水沖乾淨,再用洗奶樽液,所以洗完都好乾淨。  Pigeon 係有清潔味,但過完水已經無左,蒸完更加聞唔到!  宜家好多網店都有得買,但個 packing 同大型超市有少少出入。  而我就選擇左去 Aeon 買 refill,BB展特價最平 HK$168/3 包! **重申,去 Aeon 買野,俾 HK$20 做會員先! 圖左: Aeon,一田,千色,藥房都係賣呢款,網店就唔清楚。原價要成HK$80/支!貴! 圖中: Refill 裝,Aeon,一田,千色都係賣呢款,有 2包/pack,或 3包/pack,3包會抵啲! 圖右: 大部分網店都係呢個款,有少少出入,可能日版,pcaking 有唔同 (唔肯定)!   嬰兒用品系列︰ 如何選購嬰兒用品の奶樽奶咀與配件篇!