嶠媽成日帶芊嶠和劻霖周圍玩，可以講話日曬雨淋，雖然話小朋友曬下好啲，但對眼就真係唔曬得，唔好睇少呀，曬親對眼好嚴重架！出去玩，曬又點會有得避呀？點都會有機會曬到嘅，除非，你夜晚先出街。      好似今日嶠爸生日，嶠媽嶠爸帶左芊嶠和劻霖去海洋公園玩。嘩，一落街已經好曬。根據以往經驗，海洋公園會更曬，所以又係太陽眼鏡出動嘅好時機啦！今次嶠媽好公平，一人一副，兩個都係白色，唔洗爭，不過size就唔同，劻霖係0-3歲款，芊嶠就係3-7歲款。      未入到海洋公園，已經曬到落腳趾尾，芊嶠已經急不及待問我拎太陽眼鏡戴。講返先，嶠媽選 Shadez 太陽眼鏡嘅原因，一來，佢唔貴，勁師奶，講價錢先；二來，佢係百分百防紫外光，嶠媽仲試左係烈日當空，將副太陽眼鏡放係手上面，真係會有影遮住，證明對小朋友對眼有一定保護先；三來，佢好多顏色選擇，嶠媽都真係三心兩意，好想買幾隻唔同顏色，但眼得一對，雖然我有兩個小朋友，但為免爭來爭去，都係同一隻色好啲；第四，佢眼鏡框都係比較軟身，就算小朋友拎住，唔小心屈到，都唔怕會即爛，仲有個好處係如果小朋友面仔細 (好似芊嶠咁)，就可以屈下，等佢冇咁易甩出來。      兩姐弟係海洋公園戴住 Shadez 太陽眼鏡????️，真係太有型，野來好多眼光，都話佢地好得意，好有型！嶠媽最開心，因為揹住劻霖，個個望住劻霖，就好似見到明星咁樣！因為可能佢細個，但又戴太陽眼鏡，不過即使如此，嶠媽都冇後悔幫佢戴，因為劻霖開始大周圍八，要向外揹佢比佢睇野，咁如果有太陽，就會好直接曬到佢，所以唔慳得，因為我都唔想傷害到佢對眼仔。      所以話潮B必備 Shadez 太陽眼鏡，一年四季都有陽光，想同小朋友去戶外玩，又想保護小朋友對眼睛，就買副太陽眼鏡比佢地啦，等佢地係烈日下玩得開心又放心啦！ *********************************** Shadez Hong Kong 太陽眼鏡 1）0-3歲 2）3-7歲 3）7歲+