我已經做咗全職媽媽四個半月啦！宜家慢慢一d⼀d咁同b妹建立共識同培養默契，對我黎講，湊女無難度，人亦好開心。我可以完全跟自己方法去教養b妹（只需要同豬一樣既隊友老板達成共識就掂晒）！回想起，由一開始手忙腳亂，成日怕自己一個無幫手，做錯野整到佢，要自己面對哭鬧既bb，又唔知自己搞緊咩，有時候真係超攰！仲有要捱眼瞓真係幾攞命。但自己獨力去湊就可以免咗其他人或長老們七嘴八舌咁教點湊女先好，個小朋友又痴我地，又唔洗其他人湊自己唔放心。成日都比人話：「做咩咁辛苦要自己湊仔喎，出黎做野唔好搞到成個師奶咁啦！」當然，成日見到其他媽咪生咗仔後，有屋企人幫拖，仲可以成日拍拖過二人世界，或成日約朋友出街，我都好羨慕妒忌恨。但我知道，有屋企人幫既媽咪，一定會面對同長老們既湊仔分歧。我聽過一位媽咪話，羨慕我地d全職媽媽（嗰個99會亂比野一個幾個月大既b食）。等我綜合一下做獨力做全職媽媽嘅好處啦： · 完全用自己方法去湊女（有咩自己負責唔洗賴） · 個女會好痴我哋（痴到去個廁所都要揾妳出黎） · 唔使掛住個女（已經全年日日對住廿四個鐘，想掛都無機會） · 唔使擔心唔知人哋點樣湊自己個女（返工要對住個cam????實，驚湊女湊到性情大變，搞妳個女～新閒得閒就有d可怕姐姐） · 練成咗超人般既毅力（咩時都要咬緊牙關，不求人） 只可以話，全職媽媽、在職媽媽、有人幫嘅媽媽、獨力奮戰既媽媽，係湊仔方面都各有各辛苦。就好似在職媽媽成日覺得全職媽媽好勁，可以廿四小時全年無休咁嘅樣湊細路；但係全職媽媽嘅我，又覺得在職媽媽好辛苦，朝早又要一早返工又要掛住小朋友，夜晚又要湊仔。總而言之，身為媽媽就係好辛苦架啦！不過最緊要對自己有信心，做媽咪既我地係最了解同為自己個女好的！共勉之❤️ 湊仔湊得辛苦既，湊到唔知點算好既，不況大家喺到分享下，講咗出黎個人又會鬆d，又可能有同經歷既媽咪可以互相提點 :) 延伸閱讀 關於育兒既日常 關於可愛既撥妹每日一相