副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

【媽媽有話兒】寶寶為媽媽帶黎熱血人生

之前陪完撥妹打半歲針之後,我有感而發。發現隨着撥妹嘅出現,我嘅人生就起咗180度嘅變化。由心體會到『為母則強』既意思。

之前陪完撥妹打半歲針之後,我有感而發。發現隨着撥妹嘅出現,我嘅人生就起咗180度嘅變化。由心體會到『為母則強』既意思。 想當初啱啱有咗開始,就要接受一連串嘅檢查,抽血啊、打預防針啊,呢d已經係小case。(識我嘅人都知道,我係一個幾咁怕痛,易喊既人。每個月m到都痛到又喊又扒喺到)每次檢查,都好緊張bb既情況係點,呢個心理關口先係最可怕。始終我曾經經歷過約每4個準媽媽都會有1個既流產事件。 後黎到要生嗰時,見紅同喺醫院開始陣痛,就打咗人生第一場硬仗。(幸福的我,由細到大都未試過入醫院架嘛)由本身想開刀,又想小撥妹喺產道出黎時有接受第一種細菌洗禮;到想做無痛分娩,為咗唔想小撥妹要未出世先受麻醉針影響,一直忍受住陣痛既痛苦。(我唔知點解一聞笑氣就想打人想嘔==,全程只用過熱水袋,真係估唔到m痛用熱水袋想打人既我,會有感激熱水袋既一日)到最後頂唔順嗌晒救命時,突然話生得,要由痛苦無力既心情,即時諗住b妹既安危,為佢忘記自我,拼盡全身既力(真係用晒由細飲奶既力),將佢生出黎。Oh no,其間仲話易生d,要剪一刀(大佬,我比張紙界到都見痛,仲要喺d肉到剪一刀),唉,好吧好吧,怕b妹生唔出要吸要夾,醫生你剪啦。 生完喇,心諗「嘩,完工喇」,未住仲要修補剪咗既傷口先上得產房,雖然有麻醉,都會覺得有d痛的。 上到產後房,母嬰同室,自己傷口仲痛緊,我仲有d發燒有d暈,都要24小時陪住佢,埋身餵奶、換片、安撫 無限loop。仲有嗰種大多時間得自己一個既無知、無助感,對一個打完大仗既媽媽黎講,係下一個極限挑戰。不過真心感謝威院產後房既姑娘們,個個都好好,又關心媽媽,又關心bb,又實戰教點樣揍b,令到我好快上手。 因b妹又黃又輕,喺醫院磨合咗幾日先出得院。以為有豬隊友老板幫輕下終於有好日子過,根本係異想天開,雖然係有嗰種陪伴感,但身為小至中產母乳媽既我,都係每個幾兩個鐘埋身一次,再後加泵奶boost奶量,坐月要好好休息?!無請陪月,獨自奮戰既我又點可以休息到。咁樣既日子又過咗個零兩個月。 頭一個月入面,有一日發現個胸紅咗,豬老板話我熱熱咁,即時去急症室,發現塞奶乳線炎。真係塞奶既痛我諗好多母乳媽都會點都體現過。食止痛藥係就係話唔影響bb,作為媽媽都唔想有個萬一,又見好d唔食止痛藥,由佢好,痛住繼續蜜蜜餵。(我雖無食止痛藥,都有乖乖按醫生指示食抗生素消炎) 而且呢,好多時身邊一定有好心既旁人們提供不同建議或評論,對一個新手既我黎講,我努力咁向各人學習,但又未進步到變熟手媽之制。個人真係會有極大壓力,覺得自己有d失敗,但又要繼續努力加油時嗰種感覺,真係做新手媽甚艱難呀。 ================================ 時間又好快好快咁喺忙碌中度過,到2、4、6個月去打針,又要望住自己既一忽肉(個女)比人打針,之後發燒。又係另一種痛。 另外,呢幾個月育嬰過程,我總結一定會有幾種痛: -唔夠訓,又要打起精神既~頭痛 -半夜佢同豬老板打呼嚕時,要默默起身黑暗地泵奶既~眼痛 -bb氹極都唔likey,大喊既~耳痛 -要湊b,食飯空檔得幾分鐘,極咬:要安撫,用把唔得閒飲水既聲線去哼歌既~口同喉嚨痛 -bb 興奮扯頭髮,再見到產後脱髮既~心痛 -唉,最大獲既抱抱 既~頸同手痛 -再進階既抱抱加行行 既~腳痛 但諗返轉頭,雖然有咁多痛,但其實痛痛下,呢條育嬰之路已經越行越順。其實伴隨住我地媽媽們既痛,仲有努力為求生存既bb們。只要兩者配合得宜,好快就會度過磨合期。到bb越大越懂事,媽媽們既光明日子就會來臨。 當bb越黎越需要你,因為你而開心笑笑。就會覺得所有痛都值得。 所有正喺到奮戰既媽咪們,大家加油呀~Fighting! 延伸閱讀 上週帶咗撥妹去人生第一次旅行,大家有興趣可以FOLLOW下我下面個FB LINK 有關 菲菲菲之周圍飛第一彈~台北。亦會盡快UPDATE個BLOG的! 關於育兒既日常