副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

90後媽咪 –「產前抑鬱」一點一滴 +自己心事無人明

有左BB其實係一件好開心既事,諗起屋企多左個新生命,變得好熱鬧真係會好期待! 慢慢去到懷孕既後期,自己變到好頹,做咩都無動力,無啦啦會成日都喊,一開始以為自己只係攰,但呢個情況持續左足足一個月,慢慢先

有左BB其實係一件好開心既事,諗起屋企多左個新生命,變得好熱鬧真係會好期待! 慢慢去到懷孕既後期,自己變到好頹,做咩都無動力,無啦啦會成日都喊,一開始以為自己只係攰,但呢個情況持續左足足一個月,慢慢先開始懷疑自己可能有產前抑鬱…     上網搵左好多資料,大部份時間情緒低落、做野集中唔到精神、無原因咁喊、情緒起伏好大等等,我好多樣都中左。自己唔想影響BB,但情緒真係好反複,喊完又會擔心對BB唔好,成個過程就係不停咁重複:心情低落 → 喊 → 擔心影響BB → 心情低落⋯⋯ 有時搵身邊既朋友去傾,佢地只會話:「唔好諗咁多啦!」、「正面D啦!」、「喊少陣啦,好小事姐。」等等既說話,我心底入面知道佢地係想鼓勵,但其實我聽完係會更加唔開心。我覺得產前抑鬱同普通抑鬱既人都係一樣,唔係樣樣安慰既說話都岩我地聽,我都唔想比情緒控制自己,但D荷爾蒙既變化+擔心,真係令到自己好辛苦!我想要既安慰其實係好簡單,可能係一個擁抱,同我講:我會係到陪你架,或者係一個肯聽我講點諗既人。好簡單既說話,其實已經可以好安慰到我。 甚至有時會嚴重到呷BB醋,其實旁人又無咩特別意思咁講:「唔開心會影響BB啊!」,對一個抑鬱緊既孕婦黎講,點解你淨係關心個BB,而唔係關心我先? 或者身邊好少差唔多年紀既媽媽,係懷孕既過程會覺得好孤單,好多辛酸無人明白,即刻係枕邊人都唔會明,慢慢就唔想再講出黎,我亦都唔想聽到D唔適合自己聽既安慰說話。 持續左一個月既情況,我都唔會逼自己要好快咁去變返好開心,逼自己開心應該仲大壓力。最近都係聽下D純音樂,做下瑜珈, 對住塊鏡就笑下,盡量比自己放鬆D,唔好比個情況變差,一開心左就會鼓勵一下自己做得好好。產前抑鬱過程係好辛苦,但並唔係解決唔到。只要相信自己可以走得出呢個黑暗位,就一定可以捱得過!我第日仲要開開心心咁同個女去玩架! 要常常喜樂,不住的禱告,凡事謝恩,因為這是神在基督耶穌裡對你們的旨意。(帖撒羅尼迦前書5:16-18) 歡迎媽媽們一齊交流/開解一下我,成為我既同路人!將會有更多有趣,扮靚、健康、育兒等等既心得分享! Facebook:https://www.facebook.com/90sMummy/ Instagram: https://www.instagram.com/minarainlo/