副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

母乳之路wk2 之 肥美嘅脾脾 

陳皮終於都退晒黃膽啦,我終於都可以餵奶餵得輕鬆d,真真正正咁去feed on demand (好似係)

母乳之路wk2 之 肥美嘅脾脾  兩星期艱辛的親餵母乳之路 陳皮終於都退晒黃膽啦,我終於都可以餵奶餵得輕鬆d,真真正正咁去feed on demand (好似係) 我係初懷孕嘅時候就已經決定要親餵母乳,一開始就已經好努力咁做功課,知道係一件好艱辛嘅事,心理預備左即使啱啱生完都可能冇得好好休息,每日可能只可以訓2-3個鐘,而事實上呢兩個星期真係好難捱,經歷左不斷反反覆覆,挫敗再努力,唔得再嘗試,而家終於掌握倒技巧同陳皮食奶patten(希望係) 起初岩岩生完時,真係好努力咁兩個鐘頭起一次身,每次起碼餵45分鐘,明知冇奶都一定要堅持咁做,因為要盡快刺激媽媽胸部生產奶奶。但由於未上奶,陳皮食唔夠飽又會喊,然後又要好努力咁安撫佢,跟住完全冇瞓過就已經兩個鐘要為第二次啦,但無論幾辛苦都堅持咁樣做,因為我想比最好嘅陳皮⋯點知因為咁嘅堅持,陳皮第三日就餓到癲喊,第三日人仔就發燒38.8度,真係嚇死爸爸媽媽,因為嬰兒發燒可以係一件好嚴重嘅事,姑娘嗰啲都大為緊張,去咗嬰兒病房觀察左一日,結果原來係因為太肚餓喊得太犀利而體溫過高⋯⋯而嘗試補奶粉過後, 陳皮終於都因為唔使捱餓而情況轉好,而媽媽都亦終於可以換到有覺好訓(兩個鐘)。 其實新手媽媽我覺得醫院唔補粉或者教媽媽唔好補粉真係一件好過分嘅事,需唔需要補奶粉應該係要睇吓BB嘅情況做決定,而唔係一個死規硬條去遵守,真係會害咗BB!好彩最後陳皮食咗奶粉,夠飽啦,情況回復正常,我同老公終於鬆一口氣。 第四日出院,而我亦都好快上咗奶,以為應該會開始順利啦,點知陳皮突然間變得好大食⋯⋯食晒我兩邊胸都喊,餵足個幾鐘都仲想食,之後知道原來初生BB第4-7日會係猛長期,即係會瘋狂咁索食,食極唔夠⋯⋯但我由於係開刀生產,所以冇辦法飲魚湯去谷奶,驚影響傷口埋口,媽媽奶量唔夠陳皮食,又要補粉,又開始驚自己奶量唔夠⋯⋯聽人講章魚通草湯上奶而開到產婦都飲得,所以一試,點知真係work仲谷到個胸硬左,開心之餘跟住又要開始擔心石頭奶、乳腺炎既問題⋯⋯由其社康姑娘上門check完都話我要做多啲按摩,或者泵出嚟先唔會令情況惡化⋯⋯咁我當然就乖乖地照做啦,因為姑娘幫我按嗰時真係痛到喊,我唔希望佢繼續惡化變得更難搞,而好彩我有買定卵磷脂(通乳腺),所以第二日個胸就鬆番啦,所以關關難過關關過咁樣解決咗一個又一個既問題,以為奶量解決左應該就冇事啦,點知⋯⋯奶太多原來都係問題⋯⋯ 我生完一星期多d就已經有噴乳反量,奶量真係幾多下,而陳皮唔知係唔係一出世餓太多,所以食奶食得好急同好快⋯⋯所以係我奶多而同時佢食得快,而佢飽左停左我都get唔倒,繼續照醫院教嗰套,停咗就幫佢掃風整醒佢俾繼續食,食到至少20分鐘為止,結果佢就嘔奶嘔得好犀利,安幾兩安咁嘔,嘔到塊面又紅又黑,一日嘔到第四次時,新手媽媽我再次被嚇親,急急腳同佢入急症室,又觀察左一晚,醫生搵唔到佢面色變差嘅原因,最後姑娘觀察我餵奶,先同我講話佢從未見過一個BB食奶食得咁急,建議我餵食既時間改短啲⋯⋯ 所以,有奶又煩冇奶又煩,餵太長時間又煩餵得太短時間又煩,親餵人奶真係好睇bb 情況而定,陳皮依家12朝,我餵10分鐘左右就停,佢想食先再繼續,希望奶量呢度可以告一段落,退晒黃遲下就可以開始訓練佢戒夜奶,希望我真係終於可以瞓得好少少啦(3-4個鐘),加油 Facebook and IG : 二製陳皮 #母乳之路 #母乳之路會更好的 #皮媽加油  #ChanPBB #漫畫 #插畫 #湊B日記 #母乳 #BB嘅嘢永遠都忙唔完 #湊仔仲忙過返工 #幸福的忙碌 #全職媽媽 #ftm #母乳bb #母乳媽媽 #hkbaby#hkbabygirl #二製陳皮