我發現有啲人好鍾意同我講，以前湊B點點點，點解你????家咁咁咁。 例如，以前我一個女人湊4個細路，仲有時間洗埋衫、拖埋地、買埋餸、煮埋飯，閒時仲拎啲衫返嚟車，幫補家計！點解你湊一個都話自己冇時間做家務，間屋咁亂又唔多啲執吓！   你啱，我都冇錯 Ok，我點會唔知，我阿媽都係咁湊大我，我會唔清楚咩！所以我真係好敬佩你，我亦唔否認你嘅努力，你捱大幾個社會棟樑，你嘅母愛好偉大！之但係，你啱，我都冇錯！ 我湊一個就做唔切家務？唔代表我能力低或者偷懶！借問聲，你以前一打四，有冇試過獨留兒童喺屋企，有冇顧及幼兒心理發展，有冇親子共讀時間，有冇留意栽培小朋友潛能？以前報幼稚園又使唔使排長龍等面試？有冇因為考慮報唔報playgroup或N班而備受壓力？ 以前同而家，社會風氣唔同，對父母要求唔同，對兒童要求亦都唔同。我唔會質疑你以前嗰套唔啱，但你都唔好吓吓用「舊屎」嗰套加喺我身上。 時代唔同咗，以前我幼稚園夠同成班細路自己落街玩啦，全部街坊我都識晒嘅。以前隔籬屋陳師奶、李師奶、林師奶，有時互相幫對方買吓餸，你出街又幫你望兩眼啲細路。????家？隔籬屋姓乜大家都未必知。以前好多人留細路喺屋企，????家獨留兒童隨時要坐監！以前女人嘅終身事業係養大班化骨龍，????家女人湊B不忘事業......   時代已經進步咗 所以！你唔好同我再講以前點點點，如果你想知，我可以百忙中抽少少時間話你知????家已經變成點點點。順便話畀大家知，根據政府統計資料，香港嬰兒死亡率已經由1983年每千名10.1人，下降至2015年每千名1.5人。我唔可以切切實實話晒你知呢啲數字背後代表咗幾多嘢，只可以同你講，時代已經進步咗，唔該唔好再同我講你以前！