副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

[防妊娠紋失敗記及反擊戰] 盤點5大防紋失敗原因!

防妊娠紋失敗記及反擊戰陀b真係改變左媽媽好多,例如:生活習慣、作息時間、身型變化等等。已成為二胎媽媽嘅我,發現有左之後嘅反應係開心之除就係擔心妊娠紋再度大爆發!

防妊娠紋失敗記及反擊戰 陀b真係改變左媽媽好多,例如:生活習慣、作息時間、身型變化等等。已成為二胎媽媽嘅我,發現有左之後嘅反應係開心之除就係擔心妊娠紋再度大爆發! 為左唔想妊娠紋再重新呈現,我決定好好反思上胎防紋失敗嘅原因,睇下有咩改善嘅空間: 1. 用太熱嘅熱水沖涼 咁岩我兩胎都係寒冬下渡過,經歷新界嘅7至8度真係凍到飛起。咁凍嘅天氣,沖熱水涼是常識吧!邊沖邊用水柱沖擊身體酸疼既肌肉真係好正!可惜完全忘記左係沖熱水涼嘅過程令身體本來嘅油份沖走,搞到越沖越乾,甚至出現皮膚龜裂同脫皮嘅情況。 改善:熱水涼一般係指37至40度,40度以上就屬於過熱。其實沖涼最好為持34至36度,沖涼時間亦唔好超過5分鐘。如果沖涼房比較涼,就開著個暖風機保持溫暖。 2. ‎選用唔適合嘅沖涼液 沖熱水涼已經沖走好多油份,再配合唔適用嘅沖涼液簡直係乾上加乾。上胎我一直只用彩豐行嘅黑糖淋浴露。雖然佢話係有滋潤同舒緩乾燥皮膚嘅作用,但似乎對我嘅皮膚冇咩作用。 改善:應該避免採用去脂過度嘅沖涼液。事實上,油份被水沖走嘅同時應該為皮膚補給油脂。第二胎我就轉用手工皂(例如:羊奶皂)。的確,沖完涼之後冇咁乾!濕疹仲改善左好多。 3. ‎太遲開始塗cream 一般嚟講, 妊娠產品大部分都係建議懷孕三個月後先至使用。 上一胎我就堅信依個道理,但發覺到個肚越㴝越現嘅時候,痕癢就開始出現,亦代表妊娠紋隨即出現! 不停補妊娠紋膏都補救唔到。 改善:其實係未開始用防紋產品之前,已經要為皮膚進行前期保養工作。選用溫和同有保濕功效嘅潤膚乳,最好係用天然植物油製成嘅 (例如:堅果油,橄欖油,椰子油等等)。如果皮膚受到就最好直接用油代替乳液。 4. ‎單靠防紋膏走天涯 上胎爆紋嚴重,其中一個原因係我只用妊娠產品塗抹全身。不但消耗得快又重皮,仲完全唔夠潤。 改善:有左就只可以用妊娠產品?其實大錯特錯!正如第3點所帶出,天然植物油係可以用嘅。今胎我決定改變策略。沖涼後先用含植物油成份嘅body cream/油塗滿全身。關鍵係沖涼抹乾身後立即塗,可以加快吸收。之後用妊娠產品重點塗係容易爆紋嘅位置(如圖)。可以的話,邊塗邊按至完全吸收。早,晚各一次。如果身體係偏乾,就可以補多幾次。 5. ‎忽略膠原蛋白同維他命C嘅重要性 上胎忙碌中過日子,去到後期先食下膠原蛋白粉同飲下橙汁吸收維他命C咁。可惜一切已經太遲啦! 改善:我今胎係懷孕前期食黑布林,促進身體生產膠原質,幫助保持皮膚的彈性。到懷孕中期已經開始飲橙汁,補充維他命C。到後期就燉鮮奶桃膠,雪耳,偶然燉下燕窩去補充膠原蛋白。 上胎未到28週已經爆到西瓜咁。今胎已經33週啦,好幸運真係一條紋都未見,完全冇痕嘅感覺,亦唔見有黑色素沉澱嘅情況。希望keep到啦!