副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

【廣華走佬袋】實用篇+私人Tips!

終於去到36週,下星期BB就足月喇,真係隨時都Ready定可以去醫院!我由33週開始慢慢準備走佬袋既野,始終都有野要買,個肚太大先去買會好辛苦,所以建議媽媽都要早少少準備定!

終於去到36週,下星期BB就足月喇,真係隨時都Ready定可以去醫院!我由33週開始慢慢準備走佬袋既野,始終都有野要買,個肚太大先去買會好辛苦,所以建議媽媽都要早少少準備定! 以前廣華都會比張紙孕婦既走佬袋要執咩,依加係唔會比⋯⋯只會係平時產檢既地方貼張紙比大家參考 不過睇完都覺得唔係好實在,所以自己都係base on呢個list再加加減減 身份証、少量現金、8達通、覆診紙等等就長期帶定係身邊! 我就準備左兩袋放左係廳,一見紅/穿羊水就即刻拎住佢地暴走!大家最好都用個大D既袋,唔好用幾個袋分開拎,一黎好易漏,二黎一袋過方便好多架! 首先講下媽媽有咩啦! 呢一Part我會稱為一定一定要帶!因為其他野唔帶都仲可以叫屋企人即刻拎,但呢一堆都係一生完就要即刻用!市面上,有好多一pack過既走佬袋所需要既野賣,例如六甲村、佩儷等。我呢個六甲村係之前奶奶係Aeon買定比我既,帶晒去都穩陣架喇!另外,我都準備左用開既Skin Care去,雖然未必有時間用,但醫院冷氣都會抽乾皮膚水份,到時一乾心情都會唔好。牙刷我帶左係酒店用既牙刷同用完就Dump得既杯,咁出院又可以執少樣野! 另外,私人tips係帶埋消毒紙巾,消毒紙巾係比你抺廁板用,生完最好都保持乾淨啦,始終都多人用吖嘛! 呢一part就係次需要既野,醫院大家都知唔比用插頭架喇,所以帶定個充電器去啦。另外,乳墊都可以準備定,始終唔清楚自己既奶量會點,有時可能會漏少少,所以帶定穩陣D!而呢一隻濕紙巾係比我地餵完奶清潔返個乳頭,BB同媽媽都可以用架!可能你會發現我係無放到拖鞋入去,因為我打算直接著拖鞋去醫院,最緊要搵定一對防滑拖鞋,唔好用酒店個D薄薄拖鞋啊! 到啊B個袋其實好少野,最緊要帶尿片比佢用!另外,先帶一卷廚房紙,因為係用黎代替紗巾,幫BB抺下奶咁。之後,手襪仔一定要拎定,BB出世唔習慣,加上面仔可能會痕,到時可以比佢佢帶住,唔好R損塊面!同BB濕紙巾係用黎抺佢patpat既,我媽媽話最好帶個盤去,柯完Poopoo可以用暖水幫佢洗下,會舒服過用濕紙巾。我都帶定一枝body lotion比BB用,如果皮膚乾/痕都可以搽下吖嘛!*更新(生完後再回望,Lotion都未必需要咁快用到,始終初生用少啲係安全啲) 出院個陣既衫,可以請老公到時帶比你同BB! BB出院衫:和尚袍、羊毛冷衫仔(冬天)、衫仔一件、厚身既連身衫、厚既包被、帽仔、手襪仔等! (生完有咩物資再需要,將會再更新!) 話咁快就結束呢十個月,真係好唔捨得,唔知啊B會早出黎定遲出黎呢!真係好緊張好期待!做媽媽無咩要求,最緊要健健康康,開開心心咁成長我就好滿足架喇! 歡迎媽媽們一齊交流/傾下計,成為我既同路人!留意我Facebook同IG會有更多更新同分享架! Facebook:https://www.facebook.com/90sMummy/ Instagram: https://www.instagram.com/minarainlo/