副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

瑪嘉烈醫院-產前運動篇

之前曾經提過醫生寫左轉介信給我排期做 [產前運動],有助分娩時順產, 終於懷著"綿綿"完成3堂喇,現在等我回顧一下先~

之前曾經提過醫生寫左轉介信給我排期做 [產前運動],有助分娩時順產, 終於懷著"綿綿"完成3堂喇,現在等我回顧一下先~ 23 Dec 2017 (第一堂) 費用$135 當時懷孕22W+3D, 呢日綿綿爸爸都有陪我去上堂。第一堂主要教媽媽如何解決腰背痛,抽筋及水腫問題,產前運動可以強化肌肉, 幫助分娩,減低產後鬆弛或失禁問題,最後就教如何放鬆既方法及投巧。上完第一堂, 姑娘都有叫我們keep住每日練習, 大約有7個動作,不過我不算太勤力,有時一星期做得2-3次,來緊仲有2個幾月時間,希望keep 到啦~ 如果媽媽想改善腰痛或感覺肚子比較重, 可以使用托腹帶, 我懷孕第4個月開始已經買來用, 我當時買 "010 maternity"呢隻牌子全腹型既托腹帶, 印象中around 5百蚊, 剛剛當時永安百貨做特價。 我通常出街時先帶, 因為行路會覺得肚子特別重, 帶左可以減輕腰背既負擔。 市面上有其他牌子,例如六甲村,Gennie's,  Rosemadame 等等, 但其他牌子我未用過,暫時分享唔到比大家, 媽咪可以因應個人喜好而選擇的。 30 Dec 2017 (第二堂) 費用 $80 當時懷孕 23W+3D, 呢日綿綿爸爸照樣有陪我去上堂。第二堂會介紹順產分娩過程, 有什麼方法可以減低痛楚,例給分娩止痛機,分娩球,止痛針,笑氣,無痛分娩等資訊。另外教呼吸控制技巧,分娩時用力方法,呢part 真係好有幫助,因為我覺得呼吸控制技巧原來唔容易,總共分左4種呼吸方法,有低程度呼吸,中程度呼吸,高程度呼吸,轉接期呼吸,所以我都好勤力練習呢part。最後都有講解產後運動及護理,呢part 就要等生完"綿綿" 先做得喇~ 18 Jan 2018 (第三堂) 分娩球運動班 $80 當時懷孕26W+1D, 呢堂主要用 Fit Ball 做產前運動,一定要上左前2堂及懷孕30W以下先可以參加,分娩球運動可以幫助媽媽應付陣痛,減低緊張及壓力,保持輕鬆, 因為上完這堂醫院會頒一證書比媽媽,證明媽媽已經學識, 到醫院待產時就可以借Fit Ball練習來應付陣痛, 所以呢堂都好感興趣,一邊聽音樂,一邊做運動,覺得好好玩。姑娘都有教授利用Fit Ball做產後運動,到時生完"綿綿綿"先可以試喇。 *不過我有問其他媽媽,不同醫院都有不同程序,所以各位媽媽如果可以報到產前運動,就盡量報啦,我覺得對媽媽會有幫助~ 上完分娩球班,都要keep住返屋企練習, 對順產先有幫助,所以綿綿爸爸都陪我去 Decathlon 買Fit Ball, yoga墊, 價錢都唔貴,我之前係先施見到一個Fit ball 要二百幾蚊, 但係Decathlon 只賣$64, 真係平好多, 另外加個 Ball Pump $13, 再買麻yoga墊$49, Total 都係$127,所以如果有媽媽需要買Fit Ball, 我暫時見到最平應該係Decathlon 因為我身型比較細粒,所以我買左細碼,個Fit Ball pump 左出來size可以比大家樂作參考,各位媽媽可以因應自己高度去選擇。 參考:身高165cm以下(可以選擇細碼55cm直徑),  身高165cm以上 (可以選擇中碼65cm直徑) "綿綿", 媽媽會努力做產前運動,希望可以盡量輕鬆D生你出來,其實媽媽真係好怕痛,但我覺得有了你,什麼都是值得呵~ 綿綿媽媽的足跡 https://www.facebook.com/sukimama2018/ https://www.mamibuy.com.hk/home/13092 https://wow.esdlife.com/sukimama